ԵՐԵՎԱՆ, 24 դեկտեմբերի — Sputnik. Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան մեկնաբանել է Sputnik Էստոնիայի շուրջ ստեղծված իրավիճակը, գրում է ՌԻԱ Նովոստին։
Ավելի վաղ Sputnik Էստոնիայի աշխատակիցները Էստոնիայի ոստիկանության և սահմանային պահպանության դեպարտամենտի ղեկավարությունից սպառնալիքներով ծանուցում նամակներ էին ստացել, որ եթե մինչև գալիք տարվա հունվարի 1-ը չդադարեցնեն գլխամասային կազմակերպության` «Ռոսիա սեգոդնյա» միջազգային տեղեկատվական գործակալության հետ աշխատանքային հարաբերությունները, ապա նրանց հանդեպ քրեական գործեր կհարուցվեն։ Այդ գործողությունները հիմնավորվում են պատժամիջոցներով, որոնք ԵՄ–ն կիրառել է 2014 թվականի մարտի 17-ին մի քանի իրավաբանական և ֆիզիկական անձանց դեմ ուկրաինական իրադարձությունների ֆոնին։
Զախարովան պաշտոնական Տալինին կոչ է արել հրապարակավ փաստեր ներկայացրել այն մասին, որ Sputnik Էստոնիայի գործունեությունը չի համապատասխանում հայտարարված նպատակներին և ներողություն խնդրել զրպարտության համար, եթե նման փաստեր չլինեն։
Պատժամիջոցները Sputnik Էստոնիայի դեմ կարող են վտանգավոր նախադեպ դառնալ․ Կիսելյով
«Ինչի՞ հիման վրա։ Էստոնիայի ղեկավարության կողմից ԶԼՄ–ների ազատության հարցերով ԵԱՀԿ ներկայացուցիչ Արլեմ Դեզիրի` Sputnik Էստոնիայի շուրջ ստեղծված իրավիճակի հետ կապված խորհուրդները չընդունելը բավական տագնապալի ազդանշան ենք համարում։ Անընդունելի է և անհիմն գործակալության բյուրոն «տեղեկատվական գործողությունների ստորաբաժանում» համարելը», – հայտարարել է Զախարովան` պատասխանելով ԶԼՄ–ների հարցին։
Էստոնիայի իշխանությունը Sputnik-ի աշխատակիցներին սպառնում է քրեական հետապնդմամբ
Նրա խոսքով` Էստոնիայի գործողությունները պլանաչափ սադրանք են ռուսական ԶԼՄ–ների դեմ, լրագրողական գործունեության միջազգային–իրավական երաշխիքների տապալում` մամուլի կարգավիճակը նսեմացնելու և այն ուղիղ քաղաքական ճնշման օբյեկտ վերածելու համար։
