ԵՐԵՎԱՆ, 20 դեկտեմբերի — Sputnik. «Ժողովուրդ» օրաթերթը գրում է, որ ԱԱԾ-ի կողմից վերջին բացահայտումներից հետո ԵԿՄ վարչության նախագահ Սասուն Միքայելյանի հրահանգով Շիրակի տարածքային բաժանմունքի պետն ազատվել է աշխատանքից:
Թերթի տեղեկություններով` Միքայելյանը հրահանգել է այսուհետ ավելի ուշադիր լինել և առանց թույլտվության այլևս որևէ փաստաթուղթ չտալ նման դեպքերը բացառելու համար:
«Այժմ Շիրակի տարածքային բաժանմունքն ունի ղեկավարի ժամանակավոր պաշտոնակատար, և առաջիկայում նոր նշանակում կարվի»,-գրում է թերթը։
ԵՄԿ փոխնախագահի սպանության գործի նախաքննությունն ավարտվել է
Հիշեցնենք, որ օրեր առաջ Ազգային անվտանգության ծառայությունը Երկրապահ կամավորական միությունում հայտնաբերվել էր կեղծ պաշտոնական փաստաթուղթ պատրաստելու և օգտագործելու դեպքեր: Ընդ որում, այն կատարվել էր Երկրապահ կամավորականների միության Շիրակի տարածքային բաժանմունքի նախագահի կողմից:
