ԵՐԵՎԱՆ, 20 դեկտեմբերի — Sputnik. Մահացել է Մոսկվայի Անվտանգության դաշնային ծառայության շենքի մոտ հրաձգության հետևանքով տուժած` իրավապահ մարմինների երկրորդ աշխատակիցը։ Նա մահացել է հիվանդանոցում ստացած հրազենային վնասվածքների հետևանքով, հաղորդում է ՌԻԱ Նովոստին։
Մոսկվան կկատարի Երևանի առջև իր պարտավորությունները նույնիսկ արտակարգ իրավիճակում. Կոսաչյով
Ինչպես հայտնել է Ռուսաստանի քննչական կոմիտեի նախագահ Սվետլանա Պետրենկոն, պարզվել է, թե ով է Լուբյանկայում իրավապահների վրա հարձակվածի անձը. նա Մերձմոսկվայի 39–ամյա բնակիչ Եվգենի Մանյուրովն է։
Ռուսաստանի Անվտանգության դաշնային ծառայության տվյալների համաձայն` դեկտեմբերի 19–ին անհայտ անձը հրաձգություն է սկսել Բոլշայա Լուբյանկա փողոցի 12–րդ շենքի մոտակայքում։
Ով է Մոսկվայում հրաձգություն իրականացրած տղամարդը. մանրամասներ
Ավելի ուշ ՌԴ առողջապահության նախարարությունը հայտնել էր, որ հրաձգության հետևանքով ԱԴԾ երկու աշխատակից ծանր վիրավորումներ են ստացել, իսկ ԱԴԾ մեկ աշխատակից մահացել է։ Վերջին տվյալների համաձայն` ընդհանուր առմամբ 5 տուժած կա։
Հայտնի է, որ հանցագործն արդեն չեզոքացված է, նրա ինքնությունը պարզում են։
Դեպքի առթիվ հարուցվել է քրեական գործ իրավապահ մարմինների աշխատակիցների վրա մահափորձ կատարելու հոդվածով։
