ԵՐԵՎԱՆ, 19 դեկտեմբերի — Sputnik. Մոսկվայի Տագանսկի դատարանը բավարարել է ABLV Bank–ի հայցն ընդդեմ Ֆիլիպ Կիրկորովի և որոշել աճուրդի հանել նրա բնակարանը` ավելի քան 193 մլն ռուբլի սկզբնական արժեքով։ Այս մասին գրված է Մոսկվայի ընդհանուր իրավասության դատարանների պաշտոնական կայքում։
Դատարանը որոշել է Կիրկորովից և նրան պատկանող ընկերությունից բռնագանձել ավելի քան 54 մլն ռուբլի` պարտքերի, տուգանքների և վարկի տոկոսադրույքների դիմաց։ Բանկի ներկայացուցիչները իսկզբանե խնդրում էին բռնագանձել մոտ 230 մլն ռուբլի։
Բռնագանձումն իրականացվելու է արտիստի` վարկով գրավադրված գույքից, աճուրդում այն վաճառելու ճանապարհով Խոսքը նրա բնակարանի և այնտեղ գտնվող կենցաղային տեխնիկայի, այդ թվում` 4 օդորակիչի մասին է։
Դեկտեմբերի սկզբին Կիրկորովի փաստաբան Ալեքսանդր Դոբրովինսկին հայտնել էր, որ Տագանսկի դատարանը մասնակի բավարարել է ABLV բանկի հայցը և երգչին պարտավորեցրել վճարել 651 հազար եվրո հիպոթեքային վարկի դիմաց։ Միևնույն ժամանակ, բանկը հայցադիմումով պահանջում էր մոտ 4 մլն եվրո` ներառյալ տույժ-տուգանքները։
Երգիչ Ֆիլիպ Կիրկորովը 651 հազար եվրո կվճարի լատվիական ABLV բանկին
Կիրկորովի փաստաբան Ալեքսանդր Դոբրովինսկին ՌԵՆ ՏՎ–ին տված հարցազրույցում հաստատել է, որ Կիրկորովն իսկապես վարկ է ունեցել, և արտիստն այն բարեհաջող մարում էր, մինչև երկու տարի առաջ բանկը փակվեց։ Դրանից հետո գումարը չէր կարող փոխանցվել բանկի հաշվեհամարին, քանի որ նա խնդրում էր փոխանցել այն ինչ–որ երրորդ անձանց։
Կիրկորովի հաշիվներն արգելափակել են. ճշմարտությո՞ւն, թե՞ «լրագրողական սուտ»
Իրավաբանն ավելացրել է, որ «այժմ դատարանի որոշում կլինի, և այդ ժամանակ պարզ կլինի, թե ուր է պետք վճարել, քանի որ մինչ այդ վճարելու համար հասցեատեր չկար»։
