ԵՐԵՎԱՆ, 12 դեկտեմբերի — Sputnik. Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) անդամ, մեջլիսի պատգամավոր Դենիզ Յավուզյըլմազը դիմել է խորհրդարան՝ Հայաստանում գտնվող Մեծամորի ատոմակայանի վտանգները ուսումնասիրելու համար։
Ինչպես հայտնում է ermenihaber.am-ը, հղում անելով ՆՏՎ–ին, պատգամավորը 40 պատգամավորի ստորագրություն է հավաքել և իր կուսակցության անունից դիմել մեջլիսին։։
«Պարզելու համար, թե Մեծամորի խնդիրը մեր երկրի և հարևան երկրների վրա ինչ կործանիչ հետևանքներ կարող է ունենալ, ինչպես նաև խնդրին միջազգային հանրության ուշադրությունը հրավիրելու համար, մենք ԺՀԿ-ի անունից, 40 պատգամավորի ստորագրությամբ խորհրդարանական հետազոտության առաջարկ ենք ներկայացրել»,- ասել է Յավուզյըլմազը։
Յավուզյըլմազը մեջլիսում տեղի ունեցած մամուլի ասուլիսի ժամանակ նշել է, որ Մեծամորի ատոմակայանը Իգդիրից ընդամենը 16 կմ է հեռու, և ատոմակայանի անվտանգությունը Թուրքիայի և տարածաշրջանի երկրների համար կենսական նշանակություն ունի։
Կառավարությունը երկարացրեց ատոմակայանի վարկային համաձայնագրի ժամկետը
Հիշեցնենք` Հայկական ատոմակայանում 2017 թվականին մեկնարկել է հիմնանորոգումը։ 2017-18 թվականներին փոխարինվել են կայանի երկու գեներատորներն ու դրանց օժանդակ հանգույցները։ Այս տարի փոխում էին ավտոմատիկան ու պաշտպանության և վթարային սառեցման համակարգերը։ Սրանով աշխատանքը չի ավարտվում։
2020 թվականին ուզում են ռեակտորի կորպուսի թրծման աշխատանքներ իրականացնել։ Դա տեսականորեն կերկարացնի ռեակտորի ու կայանի աշխատանքի ժամկետը նաև 2027 թվականից հետո։
Սուրեն Պապիկյանն ու Հայաստանում ՌԴ դեսպանը Մեծամորի ատոմակայան են այցելել. տեսանյութ
Ատոմակայանն ապահովում է Հայաստանումարտադրվող էլեկտրաէներգիայի 35-40%–ը։ 2017 թվականին կայանը մոտ 2,4 միլիարդ կիլովատ-ժամ էլեկտրաէներգիա է արտադրել` Հայաստանի էլեկտրաէներգիայի գրեթե 38%–ը։ Հիմա կայանը հիմնանորոգվում է, որպեսզի շահագործման ժամկետը երկարաձգվի մինչև 2026 թվականը։
