ԵՐԵՎԱՆ, 10 դեկտեմբերի — Sputnik. ORSIS ռուսական ընկերությանը (մտնում է «Պրոմտեխնոլոգիա» խմբի մեջ) Հայաստանի ՊՆ կարիքների համար զենք և զինամթերք առաքողների սև ցուցակից հանել են։ Այս մասին Sputnik Արմենիային ասաց ընկերության փաստաբան Ալեքսանդր Սիրունյանը։
«Դատարանը կասեցրել է ֆինանսների նախարարության որոշումը։ Ավելի վաղ ընկերությունը համապատասխան խնդրանքով դիմել էր դատարան։ Մինչև դատավարության ավարտը ընկերությունը հանել են սև ցուցակից` համարելով, որ այդպես ավելի արդար կլինի», – ասաց Սիրունյանը։
Հաշվի առնելով Հայաստանի դատարանների ծանրաբեռնվածությունը` դժվար չէ կռահել, թե որքան երկար կարող էր տևել դատավարությունը։ Սիրունյանը կարծում է, որ ընկերությունը կարող էր դուրս գալ սև ցուցակից 2021թ.–ի հուլիսից ոչ շուտ։
Դատավարությանը զուգահեռ ընկերությունը հնարավորություն կունենա շարունակել ռազմական արտադրանքի առաքումները։ Փաստաբանի խոսքով` ներկա պահին ORSIS–ի և Պաշտպանության նախարարության միջև շարունակում են գործել մոտ 6-7 համաձայնագրեր։ Այդ պայմաններում դժվար է պատկերացնել, թե ինչպես կարող էր ընկերությունը մնալ սև ցուցակում։
«Չենք ուզում փչացնել Հայաստանի հետ հարաբերությունները». «Պրոմտեխնոլոգիայի» ներկայացուցիչ
Հիշեցնենք, որ Ռուսաստանի արդյունաբերության և առևտրի նախարարությունը ՌԴ ԱԳՆ–ին էր փոխանցել ՀՀ պաշտպանության նախարար Դավիթ Տոնոյանին ուղղված նամակը, որում խնդրում են նախարարին պարզաբանել զենքի տենդերի ձախողման շուրջ ստեղծված իրավիճակը։
«ՊՆ–ն է տապալել տենդերը». փաստաբանը` ձախողված հայ–ռուսական գործարքի մասին
ORSIS ընկերությունն ընդգրկված է «Պրոմտեխնոլոգիա» խմբում և զբաղվում է հրազենի, փամփուշտների ու հատուկ օպտիկայի արտադրությամբ ու մատակարարմամբ։ Տարիներ շարունակ ընկերությունը զենք, փամփուշտներ ու օպտիկա է մատակարարել, իսկ հետո հայտնվել էր «Հայաստանի ԶՈւ–ի մատակարարների սև ցուցակում»։
