ԵՐԵՎԱՆ, 9 դեկտեմբերի – Sputnik. Արկտիկայի ռուսական մասի վրա կստեղծվի օդային գմբեթ, դրա համար Հյուսիսային նավատորմի արկտիկական բոլոր դիվիզիոնները կհագեցնեն C-400 զենիթահրթիռային համակարգերով։ Այդ մասին հայտարարել է Հյուսիսային նավատորմի հրամանատար, փոխծովակալ Ալեքսանդր Մոյիսեևը, հաղորդում է ՌԻԱ Նովոստին։
«Զենիթահրթիռային և ռադիոտեխնիկական զորքերը նոր տեխնիկայով հագեցնելու ու վերազինելու գործընթացն ընթացքի մեջ է։ Այս տարի Նոր Երկրում տեղակայված զենիթահրթիռային գունդը հագեցել է C-400 ԶՀՀ–ով։ Ծրագրվում է, որ առաջիկա տարիներին մեր արկտիկական դիվիզիոնները կհամալրվեն նման համալիրներով», – ասել է հրամանատարը։
Նրա խոսքով` դրա շնորհիվ անդրբևեռը պաշտպանված կլինի հակառակորդի օդային հարձակման ցանկացած միջոցներից, լինի դա ավիացիա, թևավոր կամ բալիստիկ հրթիռներ։
Մոսկվայի միջազգային հարաբերությունների պետական ինստիտուտի ռազմաքաղաքական հետազոտությունների կենտրոնի տնօրեն, պատմական գիտությունների դոկտոր Ալեքսեյ Պոդբերյոզկինը Sputnik ռադիոկայանի եթերում բացատրել է, թե ինչու է դա կարևոր։
«ՀՕՊ–ՀՀՊ շինարարության համակարգի երկարաժամկետ ծրագրին համապատասխան` ստեղծվում է տարբեր կարգի հրթիռները նկատելու և ոչնչացնելու ռադիոլոկացիոն գոտի։ Լիովին հասկանալի է, որ հիմա այդ ջանքերն ուղղորդվել են հյուսիսային սահման։ Առաջին հերթին, հենց այդ ուղղությունն է առավել վտանգավոր հարվածներ հասցնելու համար, որովհետև այն ավելի կարճ է։ Երկրորդ` քանի որ հիմա փաստացի սկսվել է «Արկտիկայի համար պայքար», որին ակտիվորեն մասնակցում են նաև ոչ արկտիկական պետություններ, ապա պետություններից յուրաքանչյուրը ձգտում է նախանշել իր ազդեցության դաշտը», – ենթադրում է Պոդբերյոզկինը։
Նա նշել է, որ պատասխանատվության ռուսական գոտին հուսալիորեն պաշտպանված է։
Ինչո՞ւ են Ռուսաստանը սպառնալիք համարում ՆԱՏՕ–ի համար. պարզաբանում է փորձագետը
«Մենք հավակնում ենք, որ այդ գոտին, որը համարվում է ռուսական ԶՈՒ պատասխանատվության գոտի, հուսալիորեն պաշտպանված լինի ՀՕՊ–ՀՀՊ տեսանկյունից», – ասել է նա։
Սեպտեմբերին հայտնի է դարձել, որ Նոր Երկրում գտնվող գունդն առաջին անգամ համալրել են C-400 ԶՀՀ–ով։ Այդ ստորաբաժանումը մարտական հերթապահություն է սկսել 2015թ–ին, նախկինում այնտեղ հերթապահում էին նախորդ սերնդի C-300–ները։
Ինչպես են Բալթյան երկրները պայքարում Ռուսաստանի «Ջեյմս Բոնդերի» հետ. տեսանյութ
