ԵՐԵՎԱՆ, 5 դեկտեմբերի – Sputnik. Ծովային հարյուրավոր հետևազորայիններ, զրահատեխնիկայի տասնյակ միավորներ ու հարազատ ափերից հազարավոր կիլոմետրերի հեռավորության վրա անցկացվող դեսանտային գործողություններ. 2020–ականների կեսերին ռուսական նավատորմիղը սկզբունքայնորեն նոր դասի` ունիվերսալ դեսանտային նավեր կստանա։ Այս մասին հաղորդում է ՌԻԱ Նովոստին։
Նավաշինարարները, կոնստրուկտորներն ու զինվորականներն արդեն քննարկում են նախագծի մանրամասները և ունիվերսալ դեսանտային նավերի խնդիրները։
Ուղղաթիռակիրները սարքելու են Կերչի «Զալիվ» գործարանի նավաշինական արտադրամասում։ Ունիվերսալ նավերի արտադրությունը նախատեսվում է հիմնել 2020 թվականին։ Նախատեսված է, որ դրանք 2025– 2026 թվականներին փոխանցվելու են Ռուսաստանի ՌԾՈւ–ին։ Հետագայում սերիան կարող են շարունակել։ Թե որ նախագծով են նավերը կառուցվելու, դեռ անհայտ է։
Հիշեցնենք, որ Ֆրանսիայի հետ «Միստրալ» տիպի ուղղաթիռակիրների մատակարարաման գործարքը չեղարկելուց հետո Ռուսաստանում միանգամից դրան փոխարինող մի քանի տարբերակ մշակեցին։
Սիրիական Դումայի սցենարով. Ռուսաստանի ՊՆ–ն նախազգուշացրել է Սիրիայում սադրանքների մասին
2015 թվականին Նևսկու նախագծային–կոնստրուկտորական բյուրոն ներկայացրել էր «Պրիբոյ» ունիվերսալ դեսանտային նավերի հայեցակարգը։ Նախատեսվում էր, որ այն տեղակայվելու է ԿԱ–27 ուղղաթիռների ու վեց դեսանտային մոտորանավերի վրա։ Բացի այդ, նավերով կարելի է մինչև 500 դեսանտի ծառայող ու 60 դեսանտային մոտորանավ տեղափոխել։ Իսկ Կռիլովի պետական գիտական կենտրոնն առաջարկել է ուղղաթիռակրի իր տարբերակը, որն ավելի հզոր է, բայց նույն քանակի դեսանտավորների ու զրահատեխնիկայի միավոր է փոխադրում։
Հզոր պատասխան ՆԱՏՕ–ին. Ռուսաստանն ավարտել է «Իսկանդեր–Մ» հրթիռային համալիրների վերազինումը
Թեև Ռուսաստանն այդ ոլորտում ոչ միայն փորձ ու հին ավանդույթներ ունի, այդուհանդերձ, արևմտյան երկրներում ուղղաթիռակիրների կառուցման պրակտիկան շատ ավելի հարուստ է։ Այդ հարցում հաջողությունների են հասել հատկապես ամերիկացիները։ 1970–ական թվականների կեսից ԱՄՆ–ի ՌԾՈՒ–ն «Տարավա» ունիվերսալ դեսանտային նավեր ուներ։ Դրանք հսկայական էքսպեդիցիոն նավեր են, որոնք կարող են մինչև 2000 դեսանտավոր ու տասնյակ միավոր զրահատեխնիկա և ուղղաթիռներ հասցնել գործողության վայր։
