Արևմտյան ԶԼՄ–ներն ակտիվորեն քննարկում են սենսացիան. Ֆրանսիայում հայտնաբերել են ռուս դիվերսանտների բազա։ NBC. «Հետախուզության ներկայացուցիչներն ասում են, որ ռուս գործակալները հարվածներ են պատրաստել ֆրանսիական Ալպերում գտնվող մարդասպանների որջից»։ The Telegraph. «Ռուս լրտեսները ֆրանսիական Ալպերն օգտագործում են որպես բազային ճամբար` Բրիտանիայի և մյուս երկրների վրա հարձակում գործելու համար»։
Բոլոր հոդվածները ներկայացնում են ֆրանսիական Le Monde–ում հրապարակված թարմ ինֆորմացիան։
Հոդվածի էությունը. թերթի անանուն աղբյուրները հաղորդում են, որ ռուսական հետախուզությունը բազա է ունեցել Վերին Սավոյայում։ Այնտեղ 2014-2018թթ.-ին, անանուն աղբյուրների տվյալներով, գործել են Գլխավոր հետախուզական վարչության առնվազն 15 աշխատակից, այդ թվում` հայտնի Պետրովը և Բաշարովը։ Այդ աշխատակիցները Սավոյայից ցրվել են Եվրամիության երկրներում` «սպանություններ և սաբոտաժ իրականացնելու համար»։ Ընդ որում, ինչպես համեստորեն ավելացնում է պարբերականը, արևմտյան հատուկ ծառայություններին չի հաջողվել նկատել և առգրավել «զենք կամ ինչ–որ հանցանշաններ»։ Չի հաջողվել նաև հայտնաբերել Ֆրանսիայում «սպանությունների և սաբոտաժի» հետքերը։
Փոխարենը հիմքեր կան ենթադրելու, որ հենց այստեղից է հարված հասցվել Մեծ Բրիտանիայի սրտին. Սոլսբերիում թունավորել են Սկրիպալին։ Այստեղից հարվածներ են հասցրել Բուլղարիային (2015թ.–ին թունավորել են երեք հոգու, օգտագործվել է «Նովիչոկ», զոհեր չկան) և Չեռնոգորիային (հեղաշրջման փորձ, զոհեր չկան, հեղաշրջում չի եղել)։
Ընդհանուր առմամբ, զարգանում է «highly likely»–ի (մեծ հավանականության) նոր ճյուղ, որից, թվում էր` արդեն անհնար է նոր բան «քերել»։
Իրականում ինչն է այստեղ հետաքրքիր։
Սկանդալ TRACECA–ում. հայկական և ադրբեջանական պատվիրակությունների կարծիքները չեն համընկել
Նորությունը, որ ինչ-որ հատուկ ծառայություն բազա է ունեցել մեկ այլ երկրի տարածքում, բայց այն վաղուց չկա, ոչ մի բանի մասին է։
Այսինքն` առաջին հայացքից ընդհանրապես անհասկանալի է, թե ինչպես կարելի է դա օգտագործել և ում դեմ։ Սակայն նրբություններ կան։
Առաջին հերթին, ոչ ոք չի թաքցնում, որ նմանատիպ տեղեկությունների տարածումը միտված է Փարիզում պատրաստվող նորմանդական ձևաչափով հանդիպմանը` Ֆրանսիայի, Ռուսաստանի, Գերմանիայի և Ուկրաինայի մասնակցությամբ։
Երկրորդ, ինչպես նշում է պարբերականը, Ֆրանսիայի նախագահ Էմանուել Մակրոնը վերջին շրջանում ակտիվորեն ձգտում է նվազեցնել լարվածությունը Ռուսաստանի հետ հարաբերություններում և վերականգնել նորմալ համագործակցությունը։
Այսինքն` տվյալ պահին Մակրոնի վրա ճնշում են գործադրում, որպեսզի նա Դոնբասի հարցում խաղաղ բանակցությունների փոխարեն վտարի ռուս դիվանագետներին, աղմուկ բարձրացնի և տապալի Ռուսաստանի հետ մերձեցման գործընթացը։ Չէ՞ որ հենց այդպես են վարվում իսկական տղամարդիկ, չէ՞ որ Ռուսաստանը հարգում է միայն ուժը և այլն։
Այնպես որ, տվյալ դեպքում տեղեկատվական հոսքի գլխավոր թիրախը և ենթադրվող զոհը հենց Ֆրանսիայի նախագահն է։
Առավել ևս, որ Le Monde–ը վաղուց հայտնի է Մակրոնի հանդեպ հակակրանքով. այն «սիրում» է Ֆրանսիայի նախագահին ճիշտ այնպես, ինչպես New York Times–ը Դոնալդ Թրամփին։ Ֆրանսիական տարբերակում նախագահի հանդեպ հակակրանքն ավելի խորն է, քանի որ ակնհայտ է անձնական վրեժը։
Բանն այն է, որ Le Mondeօ հսկիչ փաթեթի տերերից մեկը ոմն Մատյե Պիգասն է։
Պատժամիջոցներից մինչև նավթի համաշխարհային գներ. ինչ է սպասվում Ռուսաստանի գործընկերներին
Ֆրանսիայում նա ճակատագրին հետաքրքրությամբ հետևում են արդեն մի քանի տարի։ Ժամանակին նա եղել է Lazard բանկում ամենաերիտասարդ կառավարիչը, ճիշտ այնպես, ինչպես Մակրոնը եղել է ամենաերիտասարդը Ռոտշիլդի մոտ։ Ֆրանսիական մամուլը վաղուց պատմում է երկու հրաշամանուկների կատաղի ատելության մասին։ Կարճ ասած` 2010թ–ին Մակրոնը փորձել է դուրս մղել Պիգասին Le Monde–ից, բայց Պիգասը հաղթել է։ 2012թ–ին Պիգասը պատրաստվել է դառնալ սոցիալիստ նախագահ Օլանդի ֆինանսական գուրան, բայց հաղթել է Մակրոնը։
«Դու սկզբից քո ուղեղը ստուգիր». Էրդողանը վիրավորել է Մակրոնին
Մի խոսքով` մեր առջև ծավալվում է երկու հարգարժան ընտանիքների` Ռոտշիլդի ու Լազարի երիտասարդ ու տաքարյուն բանկիրների մենամարտի մասին երկար ասքի ևս մի դրվագ։ Վրեժխնդրություն, հավակնություններ, ինտրիգներ։
Փաստը, որ ներեվրոպական պայքարում ավելի հաճախ են օգտագործում նույն հնարքը, խոսում է այն մասին, որ եվրոպացի ինտրիգներ հյուսողների պրոֆեսիոնալիզմն անկում է ապրում։
