Աբու Դաբիի թագաժառանգն ու ԱՄԷ-ի «Ռոտանա» հյուրանոցային ցանցի սեփականատերը ներդրումներ անելու նպատակով իսկապես եղել են Երևանի քաղաքապետարանում, հանդիպում ունեցել գլխավոր ճարտարապետ Արթուր Մեսչյանի և քաղաքապետ Հայկ Մարությանի հետ։ Այս մասին Sputnik Արմենիայի հետ զրույցում հայտնեց Երևանի քաղաքապետի մամուլի խոսնակ Հակոբ Կարապետյանը։
Ոչ պաշտոնական տեղեկություններով` հանդիպումը տևել է կես ժամ, մարդիկ հիասթափված դուրս են եկել, ներդրումների մասին մոռացել են և պլանավորած ծրագրերը ժամանակավոր սառեցրել:
Կարապետյանի խոսքով` Երևանի քաղաքապետը պոտենցիալ ներդրողների հետ շփվում է բացառապես ՀՀ օրենսդրության ու Երևան քաղաքի զարգացման տեսլականի առաջնահերթությունների շրջանակում:
«Անկախ այն հանգամանքից, թե ով է հյուրը, պոտենցիալ ներդրողը, թե ինչ տիտղոսներ ու ծագումնաբանություն ունի, կիրառվում է նշված դոգմատիկ սկզբունքը: Երբ խոսվում է հիասթափության մասին, չեմ ուզում մտնել այդ մարդկանց զգացմունքների աշխարհ և քննել, թե ինչից են հիասթափված: Համենայնդեպս, քաղաքապետարանը այդ մարդկանցից որևէ լուրջ, փաստաթղթավորված, գործնական առաջարկ չի ստացել»,- նշեց նա:
«Քաղաքապետը պատճառ չունի այն չընդունելու». Մարուքյանը` ուղիղ եթերի հրավերի մասին
Կարապետյանի համոզմամբ` եթե այն որևէ նորմի չհակասեր, բնականաբար, կքննարկվեր ու դրան համապատասխան ընթացք կտրվեր:
Ըստ քաղաքապետարանի տվյալների՝ Երևանը կանգնած է շինարարական ու կառուցապատման բումի առաջ, որովհետև կան բազմաթիվ հրաշալի նախագծեր, որոնք իրականացնում են տեղացի ու արտասահմանցի ներդրողները:
ՊԵԿ-ը հարցաքննել է Ծառուկյանի իտալացի գործընկերոջը. նա մեկնել է Հայաստանից. «Հրապարակ»
Կարապետյանի խոսքով՝ կառուցվում են բազմաֆունկցիոնալ թաղամասեր և այլ ենթակառուցվածքներ, ուստի այդ ամենին քաղաքապետարանն ընդառաջում է իր լիազորությունների սահմաններում, և քաղաքապետարանի համար վճռորոշ, էական նշանակություն չունի, թե ինչ ծագում, տիտղոս ունեն ներդրողները, և թե այդ պահին նրանց գրպանում քանի միլիարդ դոլար է:
