ԵՐԵՎԱՆ, 28 նոյեմբերի — Sputnik. ՀԱՊԿ հավաքական անվտանգության խորհրդի նիստը մեկնարկեց այսօր Ղրղըզստանի մայրաքաղաքում։ Այս մասին հայտնում է Sputnik Արմենիայի թղթակիցը Բիշքեկից։
ՀԱՊԿ անդամ պետությունների ղեկավարները սկզբում նեղ, այնուհետև ընդլայնված կազմով կքննարկեն կառույցի հետագա ամրապնդմանը, ռազմական բաղադրիչի ուժեղացմանն ուղղված հարցեր, ինչպես նաև Տաջիկստանի և Աֆղանստանի սահմանին տիրող իրավիճակը և միջազգային ու տարածաշրջանային անվտանգության այլ հարցեր։
Նիստին մասնակցում է ՀՀ վարչապետ Նիկոլ Փաշինյանը։
Նիստի օրակարգում է 2019-2021 թվականների ՄԱԿ–ի գլոբալ հակաահաբեկչական ռազմավարության իրականացմանն ուղղված հավաքական գործողությունների պլանի ստորագրումը։ Կհաստատվի նաև հաջորդ տարվա միջոցառումների ծրագիրը, որը նվիրված է ֆաշիզմի նկատմամբ տարած հաղթանակի 75–ամյակին։
Հարությունով. «ՀՀ-ն ստիպված կարգելափակի Բաքվի որոշումը՝ օգտվելով վետոյի իր իրավունքից»
Նշենք, որ 2020 թվականին կազմակերպության նախագահությունն անցնում է Ռուսաստանին։
ՀԱՊԿ անդամ է 6 երկիր` Հայաստանը, Բելառուսը, Ղազախստանը, Ղրղըզստանը, Ռուսաստանն ու Տաջիկստանը։
