ՀՀԿ փոխնախագահ Արմեն Աշոտյանի կարծիքով՝ նախարար Արայիկ Հարությունյանը քաղաքական առումով իր համար այն ֆիգուրը չէ, որին կդարձներ իր քաղաքական գործունեության թիրախ:
«Այս ամբողջ կառավարման համակարգը խարսխված է մեկ մարդու՝ Նիկոլ Փաշինյանի վրա, ով տոնածառի այն փայտն է, որի վրա հավաքվել է այդ համակարգը: Հենց ձողը հանես, համակարգը կփլվի: Նույնիսկ Սերժ Սարգսյանն իր վրա չէր կենտրոնացրել այնքան իշխանություն, որքան այսօր արել է Նիկոլ Փաշինյանը: Սերժ Սարգսյանն իր կողքին ուներ մարդիկ, ովքեր իրենց ոլորտներում ինքնաբավ, քաղաքական ու մասնագիտական առումով կայացած գործիչներ էին»,- նշում է Արմեն Աշոտյանը:
ՀՀԿ փոխնախագահի դիտարկմամբ՝ թեև այս փորձը պետական մակարդակով չի փոխանցվում, սակայն դա չի խանգարում հանրապետականներին աշխատել ոչ պետական ալիքներով, որովհետև քաղաքական գործունեության ներկապնակը մանդատով չի սահմանափակվում:
Արայիկ Հարությունյանը պատրաստ է աղմկահարույց հարցը քննարկել շահագրգիռ կողմերի հետ
Արմեն Աշոտյանի կարծիքով՝ Հայաստանում կան կրթության ոլորտի ունիվերսալ խնդիրներ, որոնք եղել են իրենից առաջ և հետո: Եթե իշխանությունները չեն հասկանում ու չեն փորձում լուծել խնդիրները, ապա չպետք է ունենանք լավ սպասելիքներ:
«Կրթության ոլորտի թիվ մեկ կարևոր խնդիրը ժառանգականությունն է: Տեսեք, թե քանի նախարար է փոխվել 1990 թվականից ի վեր, սակայն ռեֆորմները եղել են շարունակական: Իմ օրոք չեմ հրաժարվել 12-ամյա կրթությունից ու ավագ դպրոցներից, որովհետև դրանք իրական կարևորություն ունեցող քաղաքական ռեֆորմներ էին»,- նշում է Արմեն Աշոտյանը:
«Պատվով հեռացի՛ր». երիտասարդները շարունակում են պահանջել Արայիկ Հարությունյանի հրաժարականը
ՀՀԿ փոխնախագահի դիտարկմամբ՝ երկրորդ խնդիրն այն է, որ կրթությունը միայն գիտելիքի փոխանցում չէ, այն հատկապես 21-րդ դարում դաստիարակություն է, որտեղ պետք է փոխանցվի արժեք, իսկ դաստիարակությունն առանց ազգային բաղադրիչի չի պատկերացնում, հետևաբար, հայրենասիրությունից խորշել չի կարելի: Արմեն Աշոտյանն ուղղակի սարսափում է Նիկոլ Փաշինյանի ելույթներից, որոնք առնչվում են կրթության հարցերին:
