ԵՐԵՎԱՆ, 13 Նոյեմբեր – Sputnik. ԵՊՀ հայ բանասիրության և պատմության ֆակուլտետների պրոֆեսորադասախոսական կազմն իր համերաշխությունն է հայտնում ուսանողական շարժմանը։ Այս մասին նրանք ասացին այսօր լրագրողների հետ հանդիպման ժամանակ` հայտարարելով նաև, որ մեկօրյա գործադուլ են անելու որպես միաբանության քայլ:
Պահանջը մեկն է՝ հետ կանչել «Բարձրագույն կրթության մասին» օրենքի նախագիծը, ըստ որի` «Հայոց լեզու», «Հայ գրականություն» և «Պատմություն» առարկաները պարտադիր չեն լինելու ոչ մասնագիտական ֆակուլտետների ուսանողների համար։
Մինչ այդ դասախոսներն արդեն բաց նամակ են գրել, որին իրենց ստորագրություններով միացել են ՀՀ մի շարք բուհերի ղեկավար կազմերի ներկայացուցիչներ:
ՀՅԴ Երիտասարդական միությունը պահանջում է Արայիկ Հարությունյանի հրաժարականը
«Բաց նամակի տակ ստորագությունների թիվն արդեն հատել է մի քանի հազարը: Օրեցօր մեզ միացողների թիվը աճում է»,-ասաց ԵՊՀ հայոց պատմության ամբիոնի վարիչ Արտակ Մովսիսյանը։
Նա նշեց, որ փոփոխվել է բուհական կառավարման դրույթը, ըստ որի` նախարարը կարող է հանրային բուհերի հոգաբարձուների խորհրդի 12 անդամներից ընտրել 6-ին, իսկ բուհը կարող է ընտրել 4- ին միայն, ինչը նշանակում է, որ բուհի ռեկտորի ընտրությունը կլինի նախարարության կողմից: Իր հերթին ռեկտորը նշանակում է բոլոր դեկաններին:
«Ստացվում է, որ ցանկանում են բուհերը նախարարությունից դնել դիկտատորական կառավարման տակ, որը լիովին հակասում է բուհական ինքնավարության սկզբունքներին»,-ասաց նա:
ԵՊՀ հայոց լեզվի ամբիոնի վարիչ Յուրի Ավետիսյանը համակարծիք է Արտակ Մովսիսյանի հետ: Ավետիսյանը շեշտեց, որ իրենց գործողություններում քաղաքական ենթատեքստեր չկան: Իսկ եթե կա քաղաքականություն` դա վերաբերում է միայն կրթական քաղաքականությանը:
Պահանջում ենք հայոց լեզվի և պատմության ավելի բարձր մակարդակի ուսուցում. ԵՊՀ–ում դասադուլ է
Ասուլիսի վերջում դասախոսները հորդորեցին ուսանողներին դադարեցնել դասադուը:
Հիշեցնենք, որ ՀՅԴ երիտասարդներն ու նրանց միացած ուսանողները նոյեմբերի 6–ին դատարկ արկղեր տարան ՀՀ կրթության, գիտության, մշակույթի և սպորտի նախարարության մուտքի մոտ` ասելով, որ բերել են, որպեսզի Արայիկ Հարությունյանը հրաժարական տալուց հետո իր իրերը դասավորի այդ արկղերում։ Արկղերը դատարկ էին, բայց դրանց վրա տարբեր գրություններ կային` «պատվով հեռացիր», «նվերներ», «ապազգային դրամաշնորհներ», «հագուստ» և այլն։
Փաշինյանն ավելորդ է համարում «Հայոց եկեղեցու պատմություն» առարկան. տեսանյութ
Հարությունյանն էլ նոյեմբերի 7–ին լրագրողների հետ զրույցում հայտարարեց, որ չի պատրաստվում հրաժարական տալ։ Իր հրաժարականի պահանջով հանդես եկող ՀՅԴ–ին էլ խորհուրդ տվեց փոխել իրենց ղեկավարներին։
