ԵՐԵՎԱՆ, 17 նոյեմբերի — Sputnik. Նոր Հաճնում շմոլ գազից թունավորման հետևանքով մահացած 4 երեխաների հայրն ուզել է Ուկրաինայից Հայաստան վերադառնալ, բայց օդանավակայանում ձերբակալվել է։ Այս մասին գրում է ArmLur.am–ը։
Ավելի վաղ հայտնել էինք, որ երեկ Նոր Հաճնում շմոլ գազից թունավորվել ու մահացել էին 77-ամյա տատը` Ժաննա Սիմոնյանը և իր չորս թոռները` 16-ամյա Էդուարդ Մ.-ի, 12-ամյա Սերինե Մ.-ի, 15-ամյա Տիգրան Ս.-ի և 14-ամյա Ժաննա Մ.-ն:
«Ողբերգական տեղեկության մասին իմանալուց հետո հայրը շտապել է օդանավակայան, որպեսզի վերադառնա Հայաստան։ Շտապելու պատճառով միգրացիոն փաստաթուղթը չի լրացրել, ինչի հետևանքով էլ ձերբակալվել է»,–գրում է կայքը։
Ըստ կայքի` մահացած երեխաների հայրը խնդրում է, որ իրեն ազատ արձակեն, որպեսզի վերադառնա ու մասնակցի մոր և երեխաների հուղարկավորությանը:
Սիրով ընտանիք էին. շմոլ գազից մահացած տատն ու 4 թոռները միայն մեկ բանի կարիք են ունեցել
Հիշեցնենք` այսօր հայտնի էր դարձել, որ մահացածներից Ժաննա և Սերինե Միրոնյուկները «Արարատ» ՖԱ-ի կանանց թիմի ֆուտբոլիստներ էին:
Հայտնի է, որ երեխաների հայրն ու մայրը բնակվում են Ուկրաինայում, սակայն ամուսնալուծված են, իսկ երեխաների հոգսը միշտ հոգացել են տատիկը և Հայաստանում գտնվող հորեղբայրը:
Ավելի ուշ ԱԳՆ–ն հայտարություն է արել այս առնչությամբ։ Տեքստը կարող եք կարդալ այստեղ։
Սիրով ընտանիք էին. շմոլ գազից մահացած տատն ու 4 թոռները միայն մեկ բանի կարիք են ունեցել
