ԵՐԵՎԱՆ, 6 նոյեմբերի – Sputnik. «Տարոն-Ավիա» ՍՊԸ-ում անցկացված տեսչական ստուգումների և արձանագրված թերությունների արդյունքում կասեցվել է ավիաընկերության` օդանավ շահագործողի վկայականը։ Այս մասին հայտնում է ՀՀ Քաղաքացիական ավիացիայի կոմիտեն։
Նոր ավիաընկերություն կհայտնվի հայկական երկնքում
Հաղորդագրության մեջ նշվում է, որ ընկերությանը տրվել է 6 ամիս ժամկետ` թերությունները վերացնելու համար, սակայն «Տարոն–Ավիան» որոշել է ընդհանրապես դադարեցնել իր գործունեությունը։
«Հաշվի առնելով վերոգրյալը՝ «Տարոն-Ավիա» ՍՊԸ-ի թիվ 049 օդանավ շահագործողի վկայականի գործողությունը դադարեցվել է»,– հայտնում է Քաղավիացիայի կոմիտեն:
«Տարոն-Ավիան» ՀՀ–ում հիմնադրվել և գրանցվել է 2007 թվականից։
2017 թվականի ապրիլ ամսվանից Գյումրու «Շիրակ» օդանավակայանում բազավորված «Տարոն Ավիա» ավիաընկերությունը կանոնավոր չվերթեր է իրականացնում Գյումրի-Կրասնոդար-Գյումրի, Գյումրի-Սամարա-Գյումրի և Գյումրի-Մոսկվա («Դոմոդեդովո» օդանավակայան)- Գյումրի երթուղիներով:
2017թ.–ի նոյեմբերի 17-ից ավիաընկերությունն առաջին կանոնավոր թռիչքն է իրականացրել «Զվարթնոց» միջազգային օդանավակայանից` Մոսկվայի «Վնուկովո» օդանավակայան:
Հայկական միակ ավիաընկերությունը`«Տարոն–Ավիան», Հայաստանից հեռացել էր 2018-ի հունվարին և ներկայում գործունեություն է ծավալում հիմնականում Եվրոպայում:
