ԵՐԵՎԱՆ, 5 ապրիլի — Sputnik. Ռոստովից-Գյումրի նոր չվերթը կսկսի գործել ապրիլի վերջից, հայտնում է Ռոստովի օդանավակայանի մամուլի ծառայությունը։
Ապրիլի 26-ից Ռոստովի օդանավակայանից դեպի Գյումրի նոր չվեր է իրականացվելու։ Օդանավակայանի մամուլի ծառայությունից հայտնել են, որ չվերթերն իրականացնելու է «Տարոն Ավիա» ավիաընկերությունը։ Մինչև գարնան վերջ չվերթը հասանելի կլինի յուրաքանչյուր չորեքշաբթի, իսկ մայիսի 31-ից ևս մեկը կավելացվի` շաբաթ օրերին։
Չվացուցակի համաձայն հարմարավետ Boeing 737-500-ը Գյումրիից կմեկնի ժամը 08:45 և Դոնի Ռոստովում վայրէջք կկատարի 09:15։ Դոնի Ռոստովից մեկնումը կլինի ժամը 10:45-ին, Գյումրի օդանավը կժամանի 13:05-ին։ Ամբողջ ճանապարհը կկազմի 1.5 ժամից մի փոքր պակաս։ Տոմսերն արդեն կարելի է գնել ավիաընկերության կայքում։
«Ռոստովի շրջանն ու Հայաստանը միմյանց կապում են առևտրա-տնտեսական, գիտական, տեխնիկական և մշակութային ոլորտում առկա սերտ կապերը, և նոր չվերթի բացումը, անկասկած, կնպաստի դրանց ամրապնդմանը», — հաղորդագրության մեջ մեջբերված է «Տարածաշրջանների օդանավակայան» ԿԸ ավիացիոն բիզնեսի զարգացման գծով տնօրեն Սերգեյ Դոցենկոյի խոսքերը։
Նրա խոսքով` Դոնի Ռոստովում բնակվում է ավելի քան 300 հազար հայ, դա Ռուսաստանի խոշորագույն հայ համայնքներից մեկն է, այդ պատճառով ենթադրվում է, որ Գյումրու չվերթը պահանջված կլինի։ Հայաստանի հետ Դոնի Ռոստովի չվերթ է իրականացնում նաև «Ուրալսկիե ավիալինիի» ընկերությունը, սակայն այն չվերթեր ունի միայն դեպի Երևան։
