«Երբեք մի հանեք հոնքերը». էլ ի՞նչ խորհուրդներ է տալիս Նազենի Հովհաննիսյանը դեռահասներին

ԵՐԵՎԱՆ, 28 հոկտեմբերի — Sputnik. Հայտնի հաղորդավար և դերասանուհի Նազենի Հովհաննիսյանը սոցցանցերի միջոցով փորձում է օգտակար լինել դեռահասներին։

Նա ներկայացրել է 8 խորհուրդ, որոնք հնարավոր է պետք գան պատանիներին։

1. Երբեք մի հանեք հոնքերը( մանավանդ, երբ դեռահաս եք), մեծանալով վստահ եմ, որ կարիքը չեք էլ ունենա... հոնքերը թափվելու սովորություն ունեն, իսկ տարիքի հետ` նաև չաճելու( սխալ հանելու պատճառով):

2. Եթե կա հնարավորություն` մարմինը կրթեք փոքրուց, բայց երբեք մի պարապեք ծանրություններով. մկանային մասսայից հետո ազատվելու հնար չկա(իսկ ծավալով մեծ ազդրերը կամ «տղամարդկային» մկանները միշտ չէ, որ տեղին են)

3. Երբեք, լսու՞մ եք, երբեք մի հեռացրեք ձեր ճակատային ու քունքային հատվածի աղվամազերը լազերային էպիլացիայով...Դա կարող է բերել գլխի մազի թափվելուն, ճաղատության... կամ ուղղակի ստեղծել տգեղ անհամաչափություն` դեմքի վրա:

4.Մի կոտրեք ատամներով ընկույզ կամ կաղին` դրանք ձեզ ամբողջ կյանքի ընթացքում պիտի ծառայեն. մի փոխարինեք ձեր առողջ ատամները վինիրով, երբ ընդամենը 20 տարեկան եք...ձեր կյանքի այդ որոշումը հետո չեք կարողանալու փոխել: Բնական ատամը խնամել է պետք, ոչ թե «փակել» ...

5. Որքան հնարավոր է ուշ ներկեք մազերը (եթե մանավանդ չկա սպիտակած մազեր սքողելու կարիքը, այլապես փոխում եք մազի առողջ ստուկտուրան, ու հետո դա կարող է հանգեցնել մազաթափության կամ գլխամաշկի հիվանդության, էլ չեմ խոսում խնայած ժամանակի մասին:

6. Վաղ տարիքում մի հագեք անհարմար, կոնքը ցածր նստվածքով ջինսեր. այդպիսով աղավաղում եք նախ ձեր նեղ իրանը, ստեղծում եք ծալքեր` ոչ ցանկալի մասերում ու սեղմում արգանդի այն հատվածը, որը պիտի լինի ազատ` հետագայում պարգևելով ձեզ մայրության բերկրանքը:

Ի դեպ, տղամարդկանց էլ է սա վերաբերում. կարճ մեջքով տաբատը փորի անցանկալի ծալքի պատճառ կարող է դառնալ. աբդոմինալ մկաններին պետք է ուշադիր լինել:

7. Քնեք, երիտասարդ տարիքում որքան կարող եք ժամանակին քնեք` նույն ժամին արթնանալով, դա է այն ռիթմը` բնությամբ սահմանված, որով կօգնեք ձեր օրգանիզմին հեշտ ու ճիշտ վերականգնվել, մնալ երիտասարդ ու առույգ:

Հոգնած դեմքով ու էներգիայով մարդը երբեք լույս չի ճառագում, ուշադրությունը տեղում չէ ու կառուցողական չէ:

8. Երբ արթնանում եք միանգամից մի խոսեք, բարձր մի խոսեք ոչ նոր արթնացած, ոչ էլ քնելուց առաջ, ամբողջ օրը կարող եք լինել նյարդային` աղմկոտ արթնացումի պատճառով:

Նազենի Հովհաննիսյանը խոստացել է շարունակել խորհուրդների շարքը։