Փոփոխությունների առնչությամբ դժգոհողները ընդամենը մի փոքր խումբ են կազմում։ Այս մասին Sputnik Արմենիայի հետ զրույցում ասաց Փաստաբանների պալատի նախագահ Արա Զոհրաբյանը։ Նա կարծում է, որ այն «մտահոգությունը», որը ներկայացվում է, տեղին չէ։
«Ասում էին, որ նոր փոփոխություններով անդամավճարները չմուծելու հիմքով փաստաբանը կարող է զրկվել արտոնագրից։ Սակայն, առկա փոփոխություններով հակառակն է, եթե 18 ամիս անդամավճար չի մուծվել ու կարգապահական վարույթ է հարուցվել, սակայն, հետագայում ամբողջությամբ այդ գումարը մարվել է, ապա փաստաբանը չի կարող զրկվել արտոնագրից»,-նշեց Զոհրաբյանը։
Նրա խոսքով` նախկին տարբերակում, եթե փաստաբանը 6 ամիս չէր մուծում անդամավճարը, ապա նրա արտոնագիրը կարող էր դադարեցվել։
«Փաստաբանական պալատը սովետական կոլխոզ է. բոլորն ամեն ինչի հետ համաձայն են». Աթանեսյան
«Առանձնահատուկ ուշադրություն է դարձվել նաև միմյանց հասցեին հնչող վիրավորանքներին, որոնք պետք է բացառել»,-ասաց Զոհրաբյանը։
Ըստ նրա` կարելի է հնչեցնել քննադատություններ, սակայն դրանք չպետք է պարունակեն վիրավորանք։
«Փաստաբանի վարքագծի կանոնագրքում» ու «Փաստաբանի նկատմամբ կարգապահական վարույթի իրականացման կարգում» վերջերս կատարված փոփոխություններն, ըստ որոշ փաստաբանների` միտված են ճնշելու և դաշտից հեռացնելու պալատի համար ոչ ցանկալի փաստաբաններին։
Ռոբերտ Քոչարյանի գործով դատավորի գործը մտահոգել է փաստաբանների պալատին
