Սիրիայում քրդերը ցանականում են օգտագործել հայկական գործոնը։ Խոսքը «Նուբար Օզանյան» հայկական գումարտակի մասին է։ Sputnik Արմենիային այս մասին ասել է արաբագետ Սարգիս Գրիգորյանը։
«Սա քրդական նախագիծ է․ ստեղծելով հայկական գումարտակ՝ քրդերը փորձում են ցույց տալ, որ թուրքերի դեմ պայքարում մենակ չեն. նրանց աջակցում են նաև կրոնական մյուս փոքրամասնությունները»,-ասել է Գրիգորյանը։
Արաբագետը նշում է, որ հայկական համարվող գումարտակում հայեր գրեթե չկան՝ մեկ-երկու հոգի են։ Մնացածը, ըստ արաբագետի՝ կամ քրդեր են, կամ այլ էթնիկ խմբեր են ներկայացնում, օրինակ՝ ասորիներ։
Ըստ արաբագետի՝ վատն այն է, որ այս տեղեկությունները տարածում են ոչ միայն քրդական լրատվամիջոցները, այլ նաև թուրքական ԶԼՄ-ները՝ ցույց տալով, թե ահա՛, հայերը միացել են ահաբեկչական կազմակերպություններին։
Սիրիան պետք է ազատագրվի օտար ռազմական ներկայությունից. ավարտվեց Պուտին-Էրդողան հանդիպումը
Ինչ վերաբերում է հայկական լրատվամիջոցների կողմից նման տեղեկությունների տարածմանը՝ Գրիգորյանը համարում է, որ դա սխալ է․ պետք է իմանալ, որ կա նման նախագիծ, նման կազմակերպություն, բայց PR անել՝ իմաստ չունի։
Տեղեկացնենք, որ Նուբար Օզանյանն, ում անունը կրում է գումարտակը, եղել է ակտիվ կոմունիստ և մի շարք զինված հակամարտությունների առաջնորդ: Նա զոհվել է 2017 թվականի օգոստոսին ԴԱԻՇ-ի՝ « Իրաքի և Շամի Իսլամական Պետություն» ծայրահեղական ահաբեկչական խմբավորման դեմ մղվող մարտերի ժամանակ:
