ԵՐԵՎԱՆ, 18 հոկտեմբերի — Sputnik. Արդեն երկրորդ օրն է` սոցիալական ցանցերի հայ օգտատերերը չեն դադարում կատակել Ryanair ավիաընկերության գների թեմայով։ Ընկերությունը 2020թ.–ի սկզբից Երևանից ու Գյումրիից ուղիղ չվերթեր է իրականացնելու դեպի Հռոմ, Միլան, Բեռլին և Մյունխեն։ Օգտատերերի կատակի թեման տոմսի գինն է` 35 եվրո։ Շատերն են նշում, որ դա բավարար է`նշված քաղաքներ մեկնելու ու սուրճ խմելու համար։
Գինի, կոնյակ, մրգեր, կամ «Armenia» ավիաընկերությունը գտել է ռուսաստանցիների «թույլ տեղը»
Օգտատեր Մհեր Ղալեչյանը կատակել է, որ ժավել վաճառողները շուտով կսկսեն տոմս վաճառել։
«Հեսա ժավելի սպիրտի տեղը սկսելու են սամալյոտի տոմսեր վաճառել...», – գրել է նա։
Մյուս օգտատերերը կատակում են տարածված կոֆե#կենտրոն# հեշթեգի թեմայով. «#կոֆեՀռոմ թե՞ #կոֆեԲեռլին, այ սա է դարդը #կոֆեԿենտրոն-ցիների համար»։
Օգտատեր Գևորգ Ղազարյանը զվարճալի լուսանկար է հրապարակել` «Երևան–Հռոմի կանեց 35 եվրոյով» գրությամբ։
«Արա, չկամ», – գրել է նա։
Նրան պատասխանել են «Գազելի» պատուհաններով ինքնաթիռի` «ֆոտոշոպած» լուսանկարով, որի վրա գրված է. «ԴՈՒՌԸ ԲԵՍԱՆՏ ԿԱՄԱՑ ՓԱԿԻՐ»։
Օգտատեր Մամիկոն Հովսեփյանը շտապել է նախազգուշացնել, որ ավիաընկերության ուղեբեռը շատ թանկ է։ Նա զվարճալի լուսանկար է հրապարակել։
«Որ չասեն` չեմ զգուշացրել. Ryanair–ի ուղեբեռը շատ թանկ է։ Պատրաստվեք մեկնել Իտալիա։ Սա նորաձևության վերջին ճիչն է, ի վերջո Իտալիա եք գնում», – գրել է նա։
Հիշեցնենք` Ryanair ընկերության կոմերցիոն տնօրեն Դևիդ Օ'Բրայենը հայտարարել է, որ 2020թ.–ի հունվարից ուղիղ չվերթեր են իրականացվելու Երևանից Հռոմ և Միլան, 2020թ.–ի ամռանը կբացվեն Երևան–Բեռլին և Գյումրի–Մյունխեն չվերթերը։
Ryanair. ինչ է իրենից ներկայացնում Հայաստան մտնող ավիաընկերությունը
Օ'Բրայենի խոսքով` թռիչքները կիրականացվեն շաբաթական երկու անգամ, տոմսերը կարժենան միջինը 35 եվրո։
Ռուսական ավիաընկերությունը Վորոնեժ–Երևան ուղիղ չվերթ է գործարկում
