ԵՐԵՎԱՆ, 15 հոկտեմբերի - Sputnik. Sputnik Արմենիայի տեղեկություններով` այսօր` հոկտեմբերի 15-ին, Վանաձորի հիվանդանոցում հոսպիտալացվել է Լոռու մարզում ապրող անչափահաս մի աղջիկ, որի դաստակներից մեկի վրա մի քանի կտրած վերք է եղել։
Ըստ շրջանառվող որոշ լուրերի` վնասվածքները պատահականության հետևանք չեն։ Աղջիկն ընկճված վիճակում ինքն է դանակով վնասել դաստակները, որպեսզի կյանքին վերջ տա։ Ընտանիքի անդամները նկատել են ու արնաքամ լինող աղջնակին հասցրել հիվանդանոց։
Թե ինչու է աղջիկն այդ ծայրահեղ քայլին դիմել` առայժմ որևէ վարկած չի շրջանառվում։
Ինչը կամ ով կարող էր 14-ամյա աղջկան հասցներ ինքնասպանության, կպարզեն իրավապահները։
Սննդային թունավորում Արտաշատի դպրոցում. 19 աշակերտ տեղափոխվել է հիվանդանոց
