ԵՐԵՎԱՆ, 8 հոկտեմբերի — Sputnik. Ամերիկահայ գործարար, Reddit կայքի և Initialized Capital վենչուրային ընկերության համահիմնադիր Ալեքսիս Օհանյանը, որը գտնվում է Հայաստանում, ընթրել է հայ գործարար կանանց հետ։ Այս մասին նա գրել է Instagram–ի իր էջում։
View this post on Instagram
Օհանյանը Երևան է ժամանել հոկտեմբերի 7-ի երեկոյան, իսկ արդեն այսօր` հոկտեմբերի 8-ին, կկայանա Օհանյանի «Առանց թույլտվության» գրքի հայերեն տարբերակի շնորհանդեսը։
«Շնորհակալ եմ գեղեցիկ հայ գործարար կանանց հետ ընթրելու համար։ Եկեք պատմենք նրանց ձեռներեցության մասին», –հրապարակած լուսանկարին կից գրել է նա։
Հայաստանը 2000 հյուրի է սպասում, այդ թվում` Քիմ Քարդաշյանին ու Ալեքսիս Օհանյանին
Բաժանորդներն անմիջապես արձագանքել են լուսանկարին և խորհուրդ տվել Ալեքսիսին հանդիպել ամերիկահայ հեռուստաաստղ Քիմ Քարդաշյանի հետ, որը նույնպես այս օրերին Հայաստանում է։
«Իսկ ո՞ւր է Քարդաշյանը», «Հզոր է, հաճախ արի», «Մենք սպասում ենք քեզ ընտանիքի հետ», «Կեցցես, փոխանակիր գիտելիքներդ», «Հիանալի է», «Դու լավագույներից լավագույնն ես»,–գրել են բաժանորդները։
Նշենք, որ Օհանյանը կմասնակցի WCIT (World Congress on Information Technology) ՏՏ համաշխարհային համաժողովին, որն անցկացվում է Երևանում հոկտեմբերի 6-9-ը։ Հյուրերի թվում են նաև Infosys մուլտիազգային կորպորացիայի համահիմնադիր Նարայանա Մուրթին, ռեալիթի շոուի աստղ Քիմ Քարդաշյան–Ուեսթը, երաժիշտ Սերժ Թանկյանը և ուրիշներ։
