ԵՐԵՎԱՆ, 2 հոկտեմբերի – Sputnik. Sputnik Արմենիայի տեղեկություններով՝ երեկ Երևանում մոտ 20 տարեկան երիտասարդ է հոսպիտալացվել։ Նա դանակահարված է եղել, վնասվածքը` կրծքավանդակի ձախ հատվածում։ Երիտասարդին վիրահատել են. նա գտնվում է բժիշկների հսկողության տակ։
Տղային հիվանդանոց տեղափոխելուց հետո բուժհաստատություն են այցելել ոստիկանության ծառայողները, որոնց, ըստ խոսակցությունների՝ չի հաջողվել զրուցել տուժածի հետ, քանի որ երիտասարդը անգիտակից վիճակում է եղել։
Ըստ շրջանառվող որոշ լուրերի՝ իրավապահներին հաջողվել է պարզել, որ դանակահարությունը տեղի է ունեցել Կոտայքի մարզում։
Պարզվել է նաև նրան վնասվածք հասցրած տղայի ինքնությունը, որն ըստ որոշ խոսակցությունների՝ 18 տարեկան է։
Եղեգնաձորում կանխվել է ՌԴ քաղաքացու ինքնասպանության փորձը
Թե ինչն է եղել երիտասարդների միջև տեղի ունեցածի պատճառը, մեզ չհաջողվեց պարզել։ Իրավապահները պարզում են կատարվածի մանրամասները։
