ԵՐԵՎԱՆ, 30 սեպտեմբերի — Sputnik. Հայտնի շախմատիստ, գրոսմայստեր, աշխարհի գավաթակիր Լևոն Արոնյանը Facebook-ի իր պաշտոնական էջում ամուսնության տարեդարձի կապակցությամբ շնորհավորել է սիրելի կնոջը` Արիանային։
Լևոն Արոնյանի և Արիանա Կաոիլիի հավերժ սիրո երդումը
«Շնորհավորում եմ, իմ քաղցր տիկին։ Քեզ հետ անցկացրած ամեն օրը կյանքի պարգև է,–անգլերեն գրել է Արոնյանը, ապա կնոջ մայրենի լեզվով հավելել,– ես քեզ շատ եմ սիրում»։
Արոնյանը նաև 3 սիրառատ լուսանկար է հրապարակել։
Նշենք, որ արդեն 2 տարի է` հայտնի շախմատիստը նաև ամուսնու կարգավիճակ ունի։ 2017 թ.–ի սեպտեմբերի 30–ին Սաղմոսավանքում կայացավ Լևոն Արոնյանի և Արիանա Կաոիլինի պսակադրությունը։ Նրանց հարսանիքի քավորը ՀՀ 3–րդ նախագահ, Շախմատի ֆեդերացիայի նախագահ Սերժ Սարգսյանն էր։
Հարսանիքին մոտ 370 հյուր կար։ Հայկական ավանդույթներով կազմակերպված հարսանիքի ժամանակ օտարերկրացի հարսը հիասքանչ կատարեց «հարսի պարը»։
Նշենք նաև, որ Արիանա Կաոիլինին ՀՀ նախկին վարչապետ Կարեն Կարապետյանի խորհրդականն էր։
