ԵՐԵՎԱՆ, 27 սեպտեմբերի — Sputnik. 23–ամյա մոդել Արմինե Հարությունյանը դարձել է Հայաստանի ԶԼՄ–ների և սոցիալական ցանցերի աստղ այն բանից հետո, երբ մասնակցել է աշխարհահռչակ Gucci-ի 2020թ.–ի հավաքածուի ցուցադրությանը։
Նոր սկանդալ. Victoria's Secret-ի մոդելները պահանջում են աշխատանքից ազատել լուսանկարիչներին
Բազմաթիվ մոդելներ երազում են նման կարիերայի մասին, ուստի զարմանալի չէ նորաձևության աշխարհի ներկայացուցիչների, վիրտուալ հանրության ուշադրությունը նրա նկատմամբ։ Ինչպես գրում են աղջկա ընկերները, ոչ ոք չէր կարող ենթադրել, որ նա այդքան հայտնի կդառնա և կհայտնվի նման պոդիումների վրա։ Օգտատերերը հաճոյախոսություններ են շռայլել աղջկա հասցեին և նշել, որ Արևմուտքում կարողանում են գնահատել բնական և օրիգինալ գեղեցկությունը։
«Կեցցե՛ս, մեր աղջիկ։ Նոր հաջողություններ քեզ»,–գրում են օգտատերերը։
Օգտատերերից մեկը նույնիսկ հանդիմանել է սոցիալական ցանցերի հայկական հատվածի ակտիվիստներին` նշելով, որ յուրահատուկ արտիստներին պետք է նկատել և գնահատել ոչ միայն փառքի պահին, Եվրոպայում հաջողության հասնելուց հետո, այլ նաև նրանց համար բարդ ժամանակներում։
