ԵՐԵՎԱՆ, 25 սեպտեմբերի — Sputnik. Ազգային ժողովի նախկին նախագահ, ՀՀԿ–ական Գալուստ Սահակյանը կարծում է, որ ՀՀ երրորդ նախագահ Սերժ Սարգսյանը հեղինակություն ունի Հայաստանում։ Այս մասին Սահակյանն ասաց լրագրողների հետ զրույցում։
«Չեմ կարծում, որ ազգային հերոսները հեղինակություն չունեն»,–ասաց նա։
Հարցին, թե Սերժ Սարգսյանը շարունակելո՞ւ է ղեկավարել ՀՀԿ–ն` Սահակյանը պատասխանեց` այո, անպայման։
Լրագրողները Գալուստյանին հիշեցրին ՀՀ վարչապետ Նիկոլ Փաշինյանի հայտարարությունը, թե Սերժ Սարգսյանի ընտանիքի անդամները թալանել են ՀՀ–ն։
«Ամեն ինչ այնպես չէ, ինչպես ներկայացվում է։ Չեմ կարծում, որ նման հանցագործություններ են եղել, ուստի հանցագործ համարել մարդկանց, որոնք հանցագործ չեն, ճիշտ չի։ Նախ պետք է իմանանք` այս իշխանությունն ինչ իշխանություն է, ինչ սկզբունքներ ունի»,–ասաց նա։
Լրագրողները հետաքրքրվեցին` եթե Սարգսյանը հեղինակություն ունի, ինչո՞ւ իր հրաժարականի տեքստում ասաց հայտնի արտահայտությունը` «Նիկոլը ճիշտ էր, ես սխալվեցի»։
«Կարծում եմ, որ որոշ ժամանակ հետո Սերժ Սարգսյանը կբացահայտի դա»,– ասաց Գալստյանը։
Դիտարկմանը, թե ներկայիս իշխանությունն արդեն իսկ մի քանի աղմկահարույց քրգործեր է բացահայտել, ինչո՞ւ նախկին իշխանությունների օրոք նման գործեր չէին բացահայտվում` Սահակյանը պատասխանեց` իրենց ժամանակներում էլ էին նման պրոցեսներ գնում։ Սակայն, ըստ նրա, տեղեկատվական դաշտն այնպիսին չէր, որ աղմուկ բարձրանար։
Ո՞ւմ է առավել ձեռնտու Սերժ Սարգսյանի ձերբակալությունը, կամ ՀՀ իշխանությունը ելք է փնտրում
Հիշեցնենք, որ վանաձորյան մամուլի ասուլիսի ժամանակ ՀՀ վաչապետ Նիկոլ Փաշինյանն ասել էր, որ ՀՀ երրորդ նախագահ Սերժ Սարգսյանի փեսան` Վատիկանում ՀՀ նախկին դեսպան Միքայել Մինասյանն առաջիկայում կներգրավվի քրեական գործում։
Իսկ ինչ վերաբերվում է Սարգսյանների ընտանիքին, Փաշինյանը հիշեցրել էր, որ նրա երկու եղբայրներն անցնում են քրեական գործով։ «Սարգսյանի եղբոր երկու որդիներն անցնում են քրեական գործով։ Մյուս եղբոր երկու որդիներն անցնում են քրեական գործով»,–ասել էր Փաշինյանը։
Նա հիշեցրել էր նաև, որ Սարգսյանի ընտանիքի անդամների մի մասը հետախուզման մեջ են։
Սերժ Սարգսյանին կձերբակալե՞ն. Միքայել Մինասյանը փակագծեր է բացում
