ԵՐԵՎԱՆ, 25 սեպտեմբերի — Sputnik. Գյուղացիները թափում են սմբուկի բերքը. համապատասխան գերատեսչությունը ոչ մի քայլ չի անում մթերման հարցը կարգավորելու ուղղությամբ։ Այս մասին գրում է «Փաստը»։
«Աշնան բերքահավաքի այս պիկ շրջանում բավականին ծանր է վիճակը Արարատյան դաշտում, մասնավորաբար, բանջարեղենի իրացման առումով։ Գյուղացիները մեծ դժվարություններ ունեն իրենց մշակած բերքն իրացնելու գործում»,–գրում է թերթը։
Խոսքը վերաբերում է հատկապես սմբուկին, որը գործարանների մի մասն արդեն չի ընդունում կամ ընդունում է բավական էժան գներով, ինչը գյուղացիներին չի բավարարում։ Նրանք չեն կարողանում գոնե սպասարկել իրենց վարկերը, որոնք վերցրել են դեռևս գարնանը։
Դեղձեր էլիտար բնակարանների փոխարեն․ Հայաստանում նոր տեսակի այգիներ կտնկեն
«Փաստի» լրագրողը Արմավիրի մարզում ականատես է եղել, թե ինչպես է հսկայական քանակությամբ սմբուկն ուղղակի թափվում, քանի որ գյուղացիների զայրույթը հասել է գագաթնակետին։ Վատ է վիճակը նաև ձմերուկի բերքի հետ կապված, քանի որ այն նույնպես ոչ մի կերպ հնարավոր չէ մթերել։
Ինչո՞վ է հեղափոխությունն օգնել հայկական խաղողին ու ի՞նչն է մոռացվել. փորձագետ
Տեղացիները նշում էին, որ համապատասխան գերատեսչությունը ոչ մի քայլ չի անում մթերման հարցը կարգավորելու, գյուղացիների հետ աշխատելու ուղղությամբ, ինչի հետևանքով իրենք հայտնվել են անելանելի վիճակում։ Ի դեպ, գյուղացիները նաև ասում էին, որ վիճակն ավելի է բարդացել գյուղնախարարության լուծարումից հետո։
Կարկուտի և գյուղացու ծրագրերը չհամընկան. ի՞նչ են առաջարկում պատկան մարմինները
Հիշեցնենք, որ այս տարի ամռանը Արմավիրում տեղացած կարկուտի հետևանքով մի շարք գյուղերում ծիրանն էր էապես վնասվել։ Գյուղացիները կրկին կանգնել էին բերքի մթերման խնդրի առաջ։
