ԵՐԵՎԱՆ, 24 սեպտեմբերի — Sputnik. Այն կլինիկայի բուժանձնակազմին, որտեղ հիմա բուժվում է հայտնի դերասանուհի, «Իմ չքնաղ դայակը» սերիալի աստղ Անաստասիա Զավորոտնյուկը, մշտապես փորձում են կաշառել` դերասանուհու առողջական վիճակի մասին տեղեկություններ ստանալու նպատակով։ «Սոբեսեդնիկ» պարբերականին այս մասին ասել է հիվանդանոցի բուժքույրերից մեկը։
«Անձնակազմին մեծ գումար են առաջարկում, որպեսզի մենք ինչ–որ բան պատմենք։ 100 հազար ռուբլուց մինչև մեկ միլիոն` կախված տեղեկությունից։ Բայց երգչուհուն բուժող բժիշկներից բացի, ոչ ոք ոչինչ չգիտի, իսկ ախտորոշումներն ու անալիզների արդյունքները խիստ գաղտնի են պահվում։ Մենք էլ ենք նորություններն իմանում մամուլից», – ասել է պարբերականի զրուցակիցը։
Ռուս հաղորդավար Յուրի Նիկոլաևը, որի մոտ նույնպես քաղցկեղ են ախտորոշել, «Մոսկովսկի կոմսոմոլեցին» վրդովմունք է հայտնել, թե ինչու են Զավորոտնյուկի ներկայացուցիչները հավաստիացնում, որ խնդիր չկա, իսկ ԶԼՄ–ները շոկային տվյալներ են հրապարակում դերասանուհու մասին։ Նիկոլաևը նաև ասել է, որ հարցեր ունի նրանց, ովքեր համացանցում ներկայացնում են իրավիճակի մասին իրենց կարծիքը։ Նրա խոսքով` Անդրեյ Ռազինի և Ստանիսլավ Սադալսկու տարածած տեղեկություններին չարժե հավատալ։
Հաղորդավարը դերասանուհու հիվանդության մանրամասները չգիտի և կոչ է անում աղոթել նրա համար։ «Գիտեմ, որ Պետյա Չերնիշևը շատ է սիրում Նաստյային և ոչ մի քայլ չի հեռանում նրանից։ Ես աղոթում եմ Նաստյայի համար։ Միգուցե մեր ընդհանուր էներգիան, աջակցության խոսքերն օգնեն նրան հաղթահարել հիվանդությունը։ Մենք բոլորս պետք է աղոթենք», – ասել է Նիկոլաևը։
Ավելի վաղ հայտնել էին, որ Զավորոտնյուկի մոտ պոլիօրգան անբավարարություն և թոքաբորբ է զարգացել։ Նշվում էր նաև, որ բժիշկները դադարեցրել են կոմայի մեջ գտնվող դերասանուհու հակաուռուցքային բուժումը։ Սեպտեմբերի 13-ին հայտնի էր դարձել, որ դերասանուհին վերակենդանացման բաժանմունքում է` ծայրահեղ ծանր վիճակում։
ԶԼՄ–ների տվյալներով` 48-ամյա դերասանուհին և նրա ամուսինը, գեղասահորդ Պյոտր Չերնիշևը, հիվանդության մասին իմացել են մոտ մեկ տարի առաջ իրենց դստեր` Միլայի ծնվելուց հետո։ Ենթադրվում է, որ քաղցկեղային հիվանդությունը կարող էր արտամարմնային բեղմնավորման և ցողունային բջիջներով երիտասարդացման պրոցեդուրաների հետևանք լինել։
Անաստասիա Զավորոտնյուկին 2-րդ անգամ են վիրահատել. դերասանուհին փրկվելու շանս ունի
Հայտնում էին, որ դերասանուհին բուժում է ստացել Եվրոպայում, սակայն վերջերս Մոսկվա է վերադարձել։ Վերջին շրջանում «Իմ հրաշալի դայակը» սերիալի աստղը հազվադեպ էր ներկայանում հանրությանը, չեղարկել էր բոլոր ներկայացումները։ Նա նույնիսկ ներկա չի գտնվել իր ավագ դստեր խանութի բացմանը։
Զավորոտնյուկի հարազատները որևէ կերպ իրավիճակը չեն մեկնաբանում։ Չորս տարի առաջ քաղցկեղից մահացել էր Անաստասիայի հայրը։
