Լևոն Արոնյանը, որն աշխարհի գործող գավաթակիրն է, 2019-ի գավաթի առաջին խաղը խաղացել է սև խաղաքարերով, վիետնամցի Լե Քուանգ Լյեմի հետ։ Եզրափակչի պատասխան պարտիաները կանցկացվեն վաղը` սեպտեմբերի 21-ին։
Հերթական անգամ աշխարհի գավաթի խաղարկությունն անցկացվում է Ռուսաստանի Դաշնության Խանտի–Մանսիյսկ քաղաքում։ Աշխարհի գավաթում Հայաստանի միակ ներկայացուցիչը Լևոն Արոնյանն է։
Նշենք, որ աշխարհի գավաթի խաղարկությունն առաջին անգամ Լևոն Արոնյանը նվաճել է 2005-ին 23 տարեկան հասակում։ Շախմատիստը 2001-ից ապրում է Գերմանիայում, սակայն շարունակում է ներկայանալ Հայաստանի դրոշի ներքո։ Այս պահին նա աշխարհի չորրորդ ուժեղագույն շախմատիստն է` զիջում է շախմատի աշխարհի չեմպիոնի կոչումներ ունեցող Մագնուս Կարլսենին (Նորվեգիա) ու Գարի Կասպարովին (Ռուսաստան) և չեմպիոնի տիտղոսը դեռևս չնվաճած Ֆաբիանո Կարուանային (ԱՄՆ)։ Լևոն Արոնյանը նույնպես դեռևս չի նվաճել աշխարհի չեմպիոնի տիտղոսը։ Իր հարցազրույցներում շախմատիստը բազմիցս նշել է, որ իր գլխավոր նպատակը հենց այդ տիտղոսը նվաճելն է։
