«ԵՊՀ ռեկտորի ժամանակավոր պաշտոնակատար Գեղամ Գևորգյանը, չկարողանալով հաշտվել մտքի հետ, որ ԵՊՀ արհեստակցական կազմակերպության առաքելությունը աշխատողների շահերի պաշտպանությունն է, և ոչ թե ԵՊՀ կառավարման մարմինների և իր վիճահարույց որոշումներին հավանություն տալը գրավոր տեղեկացրել է, որ պատրաստվում է նոյեմբերի 25-ից միակողմանի խզել ԵՊՀ կոլեկտիվ պայմանագիրը»,- ասաց Ավետիսյանը:
Այդ որոշումն, ըստ Ավետիսյանի, անհիմն է ու կամայական:
«ԵՊՀ արհմիության նախագահը հիշեցնում է, որ դեռևս 2015 թվականից գործող Կոլեկտիվ պայմանագիրը հավանության էր արժանացել բոլոր ֆակուլտետների և կառուցվածքային ստորաբաժանումների կոլեկտիվների ժողովներում, որից հետո այն երկարաձգվել էր մինչև 2021 թվականի մայիսի 20-ը:
«Կոլեկտիվ պայմանագրի կողմ են հանդիսանում ԵՊՀ բոլոր աշխատողները և այն ապահովում է հավելյալ սոցիալական և իրավական երաշխիքներ»,- նշեց նա:
ԵՊՀ մամլո խոսնակ Գևորգ Էմին-Տերյանն իր հերթին դատի է տվել համալսարանի ղեկավարությանը:
«Մութ անկյուն» հաղորդման շրջանակում Էմին-Տերյանը նշեց, որ նման գործելաոճով բարձր և միջին օղակների ղեկավարները իրենց աշխատակիցներին սպառնացել են, որ ոչ լոյալ պայմաններում չեն վերակնքի աշխատանքային պայմանագրերը և որպես ուժի ցուցադրություն՝ կամայականորեն մարդկանց զրկել են աշխատանքից:
Ղևոնդյան. «Ուժայինների պաշտոնանկությունը իշխանության համար մտածելու օրակարգ է սահմանում»
Տեղեկացնենք, որ դատարանն արդեն վարույթ է ընդունել ԵՊՀ մամլո խոսնակի հայցադիմումը:
