ԵՐԵՎԱՆ, 15 սեպտեմբերի - Sputnik. Հայաստանը ներկայացնող Գոհար Նավասարդյանը հաղթող ճանաչվեց «Ծնվել եմ հաղթելու համար» գեղեցկության մրցույթի «Սպորտի թագուհի» անվանակարգում: Գոհարը մասնագիտությամբ սպորտային հոգեբան է, դրանից բացի, ակտիվորեն զբաղվում է սպորտով: Նա մրցույթի եզրափակիչ փուլում ներկայացավ «Ուզունդարա» պարով:
Մրցանակներ հանձնվեցին նաև «Երաժշտության թագուհի», «Տաղանդի թագուհի», «Ժպիտի թագուհի», «Ստեղծագործ թագուհի», «Երջանկության թագուհի», «Հմայքի թագուհի», «Պարի թագուհի», «Բարության թագուհի», «Ընկերության թագուհի», «Կենսասիրության թագուհի», «Էլեգանտության թագուհի» անվանակարգերում:
Նշենք, որ “Born to win” գեղեցկության մրցույթն անցկացվում է արդեն երրորդ տարին:
Աշխատանքի ընդունվելու պայմանը` հաշմանդամություն. Գյումրիում ինքնատիպ փուռ–սրճարան բացվեց
Հիշեցնենք, որ “Born to win”-ին մասնակցելու համար Գոհարը նաև տեսաուղերձ էր պատրաստել, որում պատմում էր այն մասին, թե ինչպես հաշմանդամություն ձեռքբերեց, խոսում էր իր ակտիվ առօրյայի և երազանքների մասին: Նա հաշմանդամություն է ձեռք բերել 2003 թվականին՝ մինինգիտի հետևանքով: Արդեն 16 տարի է՝ անվասայլակ է օգտագործում, բայց դրան չի խանգարել ապրել լիարժեք կյանքով. վարում է ավտոմեքենա, աշխատում ԱԻՆ-ում, զբաղվում սպորտով, մասնակցում տարբեր բեմականացումների, մրցույթների և վայելում կյանքի յուրաքանչյուր րոպեն:
Աբրահամյան. «Պետությունն իր ուսերից գցել է հաշմանդամային սպորտի ծանրությունը»
