ԵՐԵՎԱՆ, 13 սեպտեմբերի – Sputnik. Հայկական շախմատի առաջատար Լևոն Արոնյանը հաղթանակով մեկնարկեց ՌԴ Խանտի Մանսիսկ քաղաքում ընթացող աշխարհի գավաթի խաղարկության երկրորդ տուրում և սև խաղաքարերով հաղթեց Իրանի ներկայացուցիչ Փարհամ Մաղսուդլուին։
Հայաստանը ներկայացնող Սերգեյ Մովսեսյանն էլ ոչ-ոքի ավարտեց Չինաստանի ներկայացուցիչ Դին Լիժենի հետ պարտիան:
Աշխարհի գավաթի խաղարկությունն անցկացվում է նոկաուտ համակարգով՝ պարտվողը դուրս է մնում հետագա պայքարից: Խաղարկությանը մասնակցում են 128 շախմատիստ: Մրցաշարում Հայաստանը ներկայացնում էին 4 շախմատիստ՝ Լևոն Արոնյանը, Սերգեյ Մովսեսյանը, Արման Փաշիկյանը և Ռոբերտ Հովհաննիսյանը: Հովհաննիսյանն ու Փաշիկյանն արդեն լքել են պայքարը:
Ինչու է փակվել Լևոն Արոնյանի և Գաբրիել Սարգսյանի հիմնած շախմատի դպրոցը. թնջուկը բացվել է
Գավաթի խաղարկությունը մեկնարկել է սեպտեմբերի 11-ին։
