ԵՐԵՎԱՆ, 5 սեպտեմբերի — Sputnik. Սեպտեմբերի 5-ին Շիրակի մարզպետ Տիգրան Պետրոսյանը բնակարանի գնման վկայագրեր հանձնեց մարզի Գետք, Հացիկ և Ախուրյան համայնքների 14 ընտանիքի։
Գիշերօթիկո՞ւմ, թե՞ պայմաններից զուրկ տանը. որտե՞ղ է երեխան ավելի ապահով
ՀՀ կառավարության որոշմամբ` ընտանիքներից մեկին առձեռն գումար տրամադրվեց` կիսակառույց շինության շինարարական աշխատանքներն ավարտին հասցնելու համար։
Վկայագրերը տրամադրվում են ՀՀ կառավարության`«Շիրակի մարզի գյուղական համայնքներում բնակարան կորցրած ընտանիքներին վկայագրեր տրամադրելու ծրագրի» շրջանակում։
Ընտանիքները հնարավորություն ունեն բնակարան գնել հանրապետության ցանկացած բնակավայրում։ Ձեռքբերվող բնակարանը պետք է անպայման համապատասխան լինի պահանջվող նորմերին՝ լինի սեյսմակայուն, ունենա կոմունալ հարմարություններ։ Վկայագրի իրացման համար վերջնաժամկետ է սահմանված դեկտեմբերի 20-ը։
Առաջին հայացքից գայթակղիչ թվացող ծրագիրը շահառուների շրջանում մտահոգությունների տեղիք է տվել։ Բնակիչները վստահեցնում են՝ այս պայմաններով ու նախատեսված գումարով չեն կարողանում բնակարան գտնել։
«Գյումրին պետք է ներառվի ՅՈՒՆԵՍԿՕ-ի ցուցակում»․ Հայաստանում Ֆրանսիայի դեսպան
Վարդանուշ Քերոբյանը Շիրակի մարզի Հացիկ գյուղից է։ Երկրաշարժին կորցրել է 4 սենյականոց բնակարանն ու այս ընթացքում տնակում բնակվել է։ Բնակարան ունենալը տիկին Վարդանուշի երազանքն է, բայց կնոջ համար մտածմունք է՝ ինչպե՞ս գնել բնակարան, երբ հատկացված գումարով հազիվ 1 սենյականոց կարելի է գնել։
«Երկրաշարժի ժամանակ 43 տարեկան էի, թոռս տնակում ծնվեց, հիմա արդեն 2 երեխա ունի, ու դեռ տնակում ենք։ 4 միլիոն 3 հարյուր երեսունվեց հազար դրամ են տվել, էդ գումարով պարզ է, որ չենք կարողանա բնակարան գնել։ Տեսնինք ինչ ենք անելու։ Այդքան գումարով նույնիսկ կիսակառույցի շինարարությունն չենք կարող ավարտել»,- նշեց տիկին Վարդանուշը։
Նույն խնդրի առաջ է հայտնվել նաև Գետքի բնակիչ Համասփյուռ Մանուկյանը։
«Կորցրել եմ 2 սենյակ, բայց տրամադրվող գումարով Գյումրիում 1 սենյականոց էլ դժվար է գտնել, գյուղում էլ վաճառվող տուն չկա։ 2 սենյականոցի համար մոտ 26 հազար դոլար են ուզում, բայց մեր գումարը մոտ 19 հազար է։ Գումար էլ չենք կարող ավելացնել»,- սրտնեղում է կինը։
Նշենք, որ այս տարի տրամադրվող վկայագրերի քանակը 15-ն է։ Մյուս՝ 140 ընտանիքներին վկայագրեր կհատկացվեն հաջորդ տարի։
Վկայագիրը տրամադրվում է յուրաքանչյուրի կորցրած բնակարանի ու տվյալ տարածքի բնակարանի շուկայական արժեքի համամասնությամբ։
