ԵՐԵՎԱՆ, 2 սեպտեմբերի — Sputnik. Ալեքսանդր Ռոզենբաումը ծանր վիրահատություն է տարել։ Այս մասին հայտնում է Baza Տելեգրամ ալիքը։
Ըստ տեղեկությունների` այս պահին նա գտնվում է Մոսկվայի հիվանդանոցներից մեկի վերակենդանացման բաժանմունքում։
Աղբյուրների հաղորդմամբ` վիրահատությունը մի քանի ժամ է տևել և բժիշկների խոսքով` հաջող ավարտվել։
Ավելի մանրամասն տեղեկություն այն մասին, թե ինչ վիրահատություն է տարել արտիստն ու ինչպես է իրեն զգում, դեռևս չկա։
Ալեքսանդր Ռոզենբաումը խորհրդային և ռուսաստանցի երգիչ է, հեղինակ կատարող, պոետ, երաժիշտ, կոմպոզիտոր և դերասան, ՌԴ ժողովրդական արտիստ։
