Դրանցից մեկի արդյունքում տուգանվել է վառելիք ներկրող «Ֆլեշ» ընկերությունը։ Տնտեսագետը ողջունելի է համարում ՊԵԿ–ի կողմից հարկային ու մաքսային վարչարարության բարելավմանն ուղղված ցանկացած դրսևորում, ինչի արդյունքն են նաև այս տարվա ընթացքում լրացուցիչ հավաքագրումները։
«Այդ համատեքստում տրամաբանական է, որ պետեկամուտների կոմիտեն պետք է ավելի խստացնի օպերատիվ վերահսկողությունն` առանց փաստաթղթերի ապրանքների մատակարարման կամ տեղափոխման դեպքում»,-նշում է տնտեսագետ Սուրեն Պարսյանը։
Լավ երևույթ է, որ ՊԵԿ-ը հայտնաբերում է առանց ուղեկցող փաստաթղթերի ապրանքների մատակարարման կամ տեղափոխման խախտումների 70 դեպք։
«Միանշանակ է, որ կա լուրջ ստվեր, ինչը զգալի է մասնավորապես բենզալցակայանների և դիզվառելիքի շուկայում»,-նկատում է տնտեսագետը։
Պարսյանի խոսքով` թեև ունենք ստվերի որոշակի կրճատում, սակայն չկա մրցակցության բարելավում։ Հիշեցնենք` Պետական եկամուտների կոմիտեն մոտ երկու միլիոն դրամով տուգանել է «Ֆլեշ» ընկերությանը` առանց փաստաթղթերի ապրանք մատակարարելու համար: Վերջին երկու ամսում ՊԵԿ-ը հայտնաբերել է առանց ուղեկցող փաստաթղթերի ապրանքների մատակարարման կամ տեղափոխման խախտումների 70 դեպք, որոնց համար ընդհանուր տուգանքը կազմել է շուրջ 50 միլիոն դրամ:
