ԵՐԵՎԱՆ, 23 օգոստոսի — Sputnik. Կալանավորվել է ՀՀ ՊՆ Ռազմական ոստիկանության բաժանմունքի պետը՝ գնդապետ Մ.Մ.–ն:
Նա Ռուսաստանի կողմից հետախուզվողին թաքցնելու և նրան ՀՀ քաղաքացիություն տալու համար խոշոր չափի կաշառք է ստացել։ Այս մասին հայտնում է ՀՀ քննչական կոմիտեն։
«Մ.Մ.-ը, հանդիսանալով հետաքննության մարմնի աշխատակից, իսկ 30.11.2015թ սկսած՝ հետաքննության մարմնի ղեկավար, չարաշահել է պաշտոնեական լիազորությունները։ Նա 2014–ի հոկտեմբերին տեղեկանալով իր ծանոթ, ՌԴ քաղաքացի Է.Մ-ի որդու՝ Վ.Մ-ի՝ ՌԴ իրավապահ մարմինների կողմից հետախուզման մեջ գտնվելու և քրեական պատասխանատվությունից խուսափելու նպատակով ՀՀ ժամանելու մասին՝ թաքցրել է այս փաստը»,–նշված է հաղորդագրության մեջ։
Բացի այդ, գնդապետը 2014թ. հոկտեմբեր ամսից մինչև 2016թ. հունվար ամիսն ընկած ժամանակահատվածում հանցանք կատարած անձ Վ.Մ.-ին թաքցրել է:
Այնուհետև գնդապետը Վ.Մ.-ի ՀՀ քաղաքացիություն շնորհելու հարցերը կարգավորելու, իսկ հետագայում՝ նաև զինվորական գրքույկ տրամադրելու վերաբերյալ համաձայնություն է ձեռք բերել վերջինիս հոր՝ Է.Մ.-ի հետ։ Գնդապետը 2014թ.–ի հոկտեմբերից մինչև 2016թ. հունվարն ընկած ժամանակահատվածում, պարբերաբար, կանխիկ և բանկային փոխանցումների միջոցով, որպես կաշառք ստացել է առանձնապես խոշոր չափերի՝ 68.160.000 ՀՀ դրամին համարժեք, ընդհանուր 6.000.000 ՌԴ ռուբլի գումար:
Բացի այդ, գնդապետը, 2015թ. նոյեմբեր ամսին, Վ.Մ.-ի նկատմամբ բռնություն գործադրելու, ինչպես նաև նրա ծնողների՝ ՌԴ Նախոդկա քաղաքում գտնվող գույքն իր ընկերների միջոցով վնասելու սպառնալիքով Վ.Մ.-ին ներկայացրել է առանձնապես խոշոր չափերի՝ 7.160.000 ՀՀ դրամին համարժեք, 1.000.000 ՌԴ ռուբլի գումար տալու պահանջ:
Ձեռք բերված բավարար ապացույցների համակցությամբ՝ գնդապետին մեղադրանք է առաջադրվել՝ ՀՀ քրեական օրենսգրքի 4 հոդվածներով` 308-րդ հոդվածի 1-ին մասով` պաշտոնեական լիազորությունները չարաշահելը, 334-րդ հոդվածի 1-ին մասով` հանցագործությունը պարտակելը, 311-րդ հոդվածի 4-րդ մասի 2-րդ կետով` կաշառք ստանալը, 182-րդ հոդվածի 3-րդ մասի 2-րդ կետով` շորթումը։
Ոստիկանությունը դասալքության համար հետախուզվող 47-ամյա տղամարդու է կալանավորել
ՀՀ քննչական կոմիտեում քննվող քրեական գործով մեղադրանք է առաջադրվել ՀՀ ՊՆ Ռազմական ոստիկանության բաժանմունքի պետին: Նրա նկատմամբ որպես խափանման միջոց է ընտրվել կալանավորումը:
Քրեական գործով նախաքննությունը շարունակվում է:
