ԵՐԵՎԱՆ, 22 օգոստոսի — Sputnik. Արմավիրի մարզում վրաերթ է տեղի ունեցել, որի հետևանքով ՌԴ քաղաքացիներ քույր ու եղբայր են հիվանդանոց տեղափոխվել։ Այս մասին գրում է Shamshyan.com–ը։
«Երեկ` օգոստոսի 21–ին, ժամը 19։30-ի սահմաններում Արտենի գյուղի բնակիչ՝ 52-ամյա Գեղամ Խլղաթյանը Հացիկ-Արմավիր ավտոճանապարհի 1-ին կմ հատվածում վրաերթի է ենթարկել Շիրակի մարզի բնակիչներ՝ 46-ամյա Ալինա Քոչարյանին և 44-ամյա Արայիկ Քոչարյանին։ Վարորդը փախուստի չի դիմել»,–նշված է կայքում։
Վրաերթի ենթարկվածները քույր ու եղբայր են, Ռուսաստանի Դաշնության քաղաքացիներ։
Վարորդը վրաերթի ենթարկվածներին օգնել է տեղափոխել «Արմավիր» բժշկական կենտրոն, որից հետո դեպքի մասին ահազանգել է ոստիկանություն։
Փաստի առթիվ նյութեր են նախապատրաստվում։
