ԵՐԵՎԱՆ, 13 օգոստոսի — Sputnik. Ռուսաստանի պաշտպանության նախարարության պատվիրակությունը փոխնախարար Անդրեյ Կարտապալովի գլխավորությամբ այցելել է Գյումրիում տեղակայված 102–րդ ռազմաբազա։ Այդ մասին հաղորդում է Ռուսաստանի պաշտպանության նախարարության Հարավային ռազմական օկրուգի մամուլի ծառայությունը։
Նշվում է, որ Գյումրու ռազմական կայազորում պատվիրակությանը դիմավորել են ռուսական ռազմական միավորման հրամանատարական կազմը, Գյումրիում Ռուսաստանի գլխավոր հյուպատոսության, Գիտության և մշակույթի ռուսական կենտրոնի, Շիրակի մարզպետարանի ներկայացուցիչները։
Ռուսական ռազմաբազայի հրամանատար Վլադիմիր Ելկանովը պատմել է ՌԴ պաշտպանության փոխնախարարին միավորման ստեղծման պատմությունը, ծանոթացրել դրա կառուցվածքին, գործունեությանը, ժամանակակից ռազմական տեխնիկային։
Այցի ընթացքում պատվիրակությունը ծանոթացել է նաև «Մեծ ամրոց» ռազմական թաղամասում ապրող զինծառայողների կյանքին և կենցաղին, ինչպես նաև այցելել «Պատվո բլուր» և «Զինվորական փառքի» հուշահամալիր, զորամասի թանգարան և Սուրբ Ալեքսանդրայի տաճար:
Ռուսական ռազմակայանի տեղակայումը ՀՀ-ում բխում է 2 երկրների քաղաքական շահերից. Տոնոյան
Նրանք ծաղկեպսակներ են դրել խորհրդային զինծառայողների և Խորհրդային Միության կրկնակի հերոս, գեներալ-լեյտենանտ Միխայիլ Կալաշնիկովի հուշարձաններին:
ՌԴ 102-րդ ռազմակայանում ռազմական ոստիկանություն ունենալը փոխհամաձայնեցվել է դեռևս 2014–ին
Բացի դրանից, փոխնախարարը հանդիսավոր պայմաններում մեդալներ է հանձնել միավորման աչքի ընկած սպաներին, այդ թվում` ռազմաբազայի հրամանատարի ռազմակաքաղաքական աշխատանքի հարցերով տեղակալ Ալեքսանդր Շուվալովին։
