ԵՐԵՎԱՆ, 18 օգոստոսի— Sputnik, Արմենուհի Մխոյան. «Ռուսական մշակութային օրեր» միամսյակի մեկնարկը 102-րդ ռազմաբազայում ազդարարվեց բաց դռների օր միջոցառմամբ: Գյումրիից, Ջաջուռից, Փանիկից և անգամ Երևանից ու Վանաձորից եկած հյուրերը հնարավորություն ունեցան մոտիկից ծանոթանալու բազայի սպառազինությանը: Զինտեխնիկան տեսնելու և դրանց տեխնիկական հնարքներին ծանոթանալու եզակի հնարավորություն էին ստացել բոլոր ցանկացողները: Ինչպես միշտ այս անգամ ևս բազայի հրամանատարությունը չէր մոռացել հրավիրել նաև Մեծ Հայրենականի գյումրեցի վետերաններին։
![День открытых дверей в 102-й российской военной базе (18 августа 2018). Гюмри День открытых дверей в 102-й российской военной базе (18 августа 2018). Гюмри - Sputnik Արմենիա](https://cdn.am.sputniknews.ru/img/1393/87/13938735_0:0:1594:1196_600x0_80_0_0_30d0d978d2031b1add6a91f09984a7c8.jpg)
Ի դեպ, հնարավորությունից ամենաշատն ուրախացել էին երեխաները՝ վերջիններս մոտիկից ծանոթացան զինվորական կյանքին, ապա նաև տեխնիկային։ Նրանց զարմացրեց գիշերային և ցերեկային հետախուզության ժամանակ կիրառվող լեռնային ու ջրային դժվարանցանելի վայրերի հաղթահարման համար նախատեսված զինտեխնիկան, ժամանակակից ռադիոհամակարգերն ու անօդաչու սարքերը:
![День открытых дверей в 102-й российской военной базе (18 августа 2018). Гюмри День открытых дверей в 102-й российской военной базе (18 августа 2018). Гюмри - Sputnik Արմենիա](https://cdn.am.sputniknews.ru/img/1393/87/13938719_0:0:1486:1114_600x0_80_0_0_e87cb95b88a40cef938a876512758820.jpg)
Հնարավորությունը բաց չթողեց նաև Շիրակի մարզպետ Կարեն Սարուխանյանը, ով Sputnik Արմենիային ասաց՝ շատ հետաքրքիր է: «Քաղաքացիների մոտ այնպիսի տպավորություն է, որ 102-րդ ռազմաբազան փակ է և կապ չկա: Պետք է այդ սխալ ընկալումը վերանա: Իմ համար ևս անչափ հետաքրքիր է այն տեխնիկան, ինչ ցուցադրված է: Ինչպես տեսնում եք, չկա պատնեշ, հայերն ու ռուսները միասին են` ինչպես միշտ։ Նրանք այսօր ևս շատ լավ հարաբերությունների մեջ են Գյումրիում»,-նշեց մարզպետը:
![День открытых дверей в 102-й российской военной базе (18 августа 2018). Гюмри День открытых дверей в 102-й российской военной базе (18 августа 2018). Гюмри - Sputnik Արմենիա](https://cdn.am.sputniknews.ru/img/1393/82/13938245_0:0:1600:1200_600x0_80_0_0_174ee8c2800a201a35c31fd6625f2c52.jpg)
102-րդ ռազմաբազայի աշխատակազմի հետ աշխատանքներում հրամանատարի տեղակալ, գնդապետ Ալեքսեյ Պալյուխովիչը փաստեց՝ առաջին անգամ չէ, որ նման միջոցառում է իրականացվում: «Սա արվում է ցույց տալու համար` ինչ է անում ու ինչպես է ապրում ռազմաբազան, ինչ սպառազինություն կա այստեղ, ինչպես կարող է այն պաշտպանել ու իրականացնել զինվորական խնդիրը: Ի դեպ, մենք ոչ միայն ծառայում ենք, այլ նաև հանգստանում։ Այսօր էլ բոլոր հրավիրվածների, ինչպես նաև այստեղ իրենց զինվորական ծառայությունն իրականացնող ռուս զինվորականների հարազատների համար կազմակերպել ենք համերգ և զինվորական հյուրասիրություն»,-նշեց պատասխանատուն:
Sputnik Արմենիայի հարցին, թե ցուցադրվող տեխնիկան ամբո՞ղջն է, գնդապետը ժպտալով նշեց. «Անշուշտ ոչ բոլորը, ամեն ինչ չէ, որ ձեզ ցուցադրելու ենք, մեր ողջ գաղտնիքը չենք բացի»:
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/87/13938746_0:191:1600:1196_600x0_80_0_0_f85d0092a64dbcce1919d2fb1efc3cc3.jpg)
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/87/13938751_0:0:1206:757_600x0_80_0_0_43d74b03b8003b772b8785f75c803d0b.jpg)
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/87/13938740_0:39:1492:976_600x0_80_0_0_53762b4d3a1f3f97217899c0ec9a73d8.jpg)
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/87/13938708_0:103:1518:1057_600x0_80_0_0_1e5d0e416bccdc3d3c786844d8d8dead.jpg)
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/87/13938724_0:0:1551:974_600x0_80_0_0_0be1c6dc40db70872d3962c3178a4d13.jpg)
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/87/13938729_0:27:1698:1095_600x0_80_0_0_bb37207c690e865ff59744b5f233f1c3.jpg)
![Բաց դռների օր 102–րդ ռազմաբազայում Բաց դռների օր 102–րդ ռազմաբազայում - Sputnik Արմենիա](https://cdn.am.sputniknews.ru/img/1393/83/13938315_0:91:1473:1015_600x0_80_0_0_4f0bc860f77777930135f689f9604dc8.jpg)
Բոլորին հնարավորություն էր տրվել ոչ միայն մոտիկից տեսնելու ժամանակակից անօդաչու սարքերը, հետախուզական համակարգերը, նռնականետերը, այլ նաև ձեռքերը վերցնելու ատրճանակները, ինքնաձիգները:
Տեխնիկան տեսնելուց հետո, բոլոր ցանկացողները նաև համտեսեցին դաշտային խոհանոցի հնդկաձավարի շիլան ու կոմպոտը: