ԵՐԵՎԱՆ, 2 օգոստոսի – Sputnik. Հայտնի դերասան և ռեժիսոր Արմեն Ջիգարխանյանը երկար դադարից հետո վերադարձել է թատրոն։ Այս մասին տեղեկություն է հրապարակվել Facebook–ում, «Արմեն Ջիգարխանյան. կյանքը և ստեղծագործությունները» խմբում։
Աննա Հակոբյանն այցելել է սիրված դերասան Արմեն Ջիգարխանյանին
«Մեր սիրելի Արմեն Բորիսովիչը կրկին թատրոնում է, իր թատերախմբում։ Բրավո, ուսուցի՛չ», – գրել է խմբի ադմինիստրատոր Տատյանա Կոմիսարովան։
![Արմեն Ջիգարխանյանը վերադարձել է թատրոն. նրա լուսանկարները հուզել են մարդկանց Արմեն Ջիգարխանյանը վերադարձել է թատրոն. նրա լուսանկարները հուզել են մարդկանց - Sputnik Արմենիա](https://cdn.am.sputniknews.ru/img/1989/86/19898645_0:0:705:1253_600x0_80_0_0_926391830d1186c01c0b81b59e1b24ec.jpg)
Թատերախմբի հանդիպումը կայացել է օգոստոսի 1–ին Ջիգարխանյանի թատրոնում։ Հանդիպման ժամանակ քննարկվել է հերթական խաղաշրջանի բացումը։
![Արմեն Ջիգարխանյանը վերադարձել է թատրոն. նրա լուսանկարները հուզել են մարդկանց Արմեն Ջիգարխանյանը վերադարձել է թատրոն. նրա լուսանկարները հուզել են մարդկանց - Sputnik Արմենիա](https://cdn.am.sputniknews.ru/img/1989/86/19898640_0:0:720:960_600x0_80_0_0_b01a5118a92a1894e12c6605570ced49.jpg)
Facebook-յան գրառումը շատ է դուր եկել մարդկանց։
«Վյաչեսլավ Դյաչենկո, շնորհակալ ենք այս կադրերի համար։ Խոնարհվում եմ Ձեր առջև Ուսուցչի հանդեպ այս ջերմ վերաբերմունքի համար», – գրել է օգտատեր Աղավնի Մանուկյանը։
«Մեր թանկագին, սիրելի և պաշտելի արտիստ, տաղանդավոր և իմաստուն։ Շնորհակալություն նրանց, ովքեր աջակցում են արտիստին, Աստված ձեզ պահապան», – գրել է Կարինա Դիվանյանը։
Տարեսկզբին դերասանի մոտ առողջական խնդիրներ էին ծագել, և նամ մի քանի անգամ հայտնվել էր հիվանդանոցում։
Ջիգարխանյանի ընկերները մի քանի անգամ նշել էին, որ դերասանի ինքնազգացողությունը կտրուկ վատացել էր 39–ամյա կնոջ` Վիտալինա Ցիմբալյուկ–Ռոմանովսկայայի ամուսնալուծությանը հաջորդած սկանդալից հետո։
«Անձնագրային տվյալներին համապատասխան». ինչպես է իրեն զգում Արմեն Ջիգարխանյանը