ԵՐԵՎԱՆ, 2 օգոստոսի — Sputnik. Սարալանջի տարածքում իրականացվող շինարարությունը վտանգավոր է մարդկանց ու շրջապատի համար։
Նման եզրակացության են հանգել ՀՀ քաղաքաշինության, տեխնիկական և հրդեհային անվտանգության տեսչական մարմնի աշխատակիցները կատարած հետազոտությունների արդյունքում։
Տեսչական մարմնի տարածած հաղորդագրության մեջ նշվում է, որ Ուլնեցու փողոցի 8/10 և 8/12 հասցեներում շինարարության թույլտվությունը կառուցապատող «ԳՐԻԱՐ» ՓԲ ընկերության տնօրեն Գրիգորի Հարությունյանին տրվել է 2018թ.–ի սեպտեմբերի 17-ին` Երևանի քաղաքապետի կողմից։
«Իջևանի վերնատան» նախկին տնօրենը 5 մլն դրամ աշխատավարձ է ստացել առանց աշխատանքի գնալու
«Պարզվել է` նշված հասցեներում դարատափերի (տեռասաներ) շիանարարական աշխատանքներն իրականացվել են քաղաքապետարանի կողմից հաստատված նախագծի շեղումներով, որոնք կարող են ազդել շինության ամրության կայունության, հուսալիության վրա, վտանգ պարունակել մարդկանց և շրջակա միջավայրի համար: Ուսումնասիրության արդյունքում հայտնաբերվել է, որ տեխնիկական հսկողությունն իրականացվել է օրենքով սահմանված կարգի խախտմամբ, ինչպես նաև շինարարության ընթացքում չի ապահովվել հեղինակային հսկողությունը»,– ասված է հաղորդագրության մեջ։
Պաշտոնյաները չարաշահումներ են արել միջպետական ճանապարհի հիմնանորոգման գործընթացում
Կառուցապատող ընկերության տնօրեն Գրիգորի Հարությունյանը, շինարարության ընթացքում հեղինակային հսկողություն իրականացնող «Երևան նախագիծ» ՓԲ ընկերության ճարտարապետն ու տեխնիկական հսկողություն իրականցնող անձը հուլիսի 29-ին հրավիրվել են տեսչական մարմին՝ իրավախախտումների վերաբերյալ վարչական գործի քննության շրջանակում:
Գնդեվազի նախկին գյուղապետը միլիոնների վնաս է պատճառել պետությանը
Նրանք ենթարկվել են վարչական պատասխանատվության. Գրիգորի Հարությունյանը 300 000, տեխնիկական հսկողություն իրականացնողը` 50 000, հեղինակային հսկողություն իրականցնողը` 20 000 դրամի չափով։
Մարզպետը «ջրի երես է հանում» նախկին քաղաքապետի գործերը
Շինարարությունը նախագծային տեսքի բերելու համար կառուցապատող ընկերությանը տրվել է 30 օր ժամանակ:
