ԵՐԵՎԱՆ, 1 օգոստոսի - Sputnik. Այսօր առավոտյան ողբերգական ավտովթար է տեղի ունեցել Լոռու մարզում։ Այս մասին տեղեկանում ենք Shamshyan.com–ից։
«Ժամը 07։40-ի սահմաններում Արմավիրի մարզի Ալաշկերտ գյուղի բնակիչ 64-ամյա Խոսրով Առաքելյանը իր վարած Opel մակնիշի ավտոմեքենայով Երևան-Վանաձոր ավտոճանապարհի Սպիտակի ոլորաններում դուրս է եկել ճանապարհի երթևեկելի գոտուց և բախվել պարսպին։
Վթարի հետևանքով վարորդը տեղում մահացել է»,–հայտնում է կայքը։
Ավտոմեքենան, ի դեպ, բարձված է եղել գյուղմթերքով, իսկ ավտոմեքենայի մեջ հայտնաբերվել են դեղեր, որոնք հիմնականում օգտագործվում են սրտի հետ կապված խնդիրների դեպքում։
Կան կասկածներ, որ վարորդը ավտոմեքնան վարելիս սրտի կաթված է ստացել։
Նշանակվել է դատաբժշկական փորձաքննություն։
