ԵՐԵՎԱՆ, 1 օգոստոսի - Sputnik. ՀՀ ՊՆ-ն միջոցառումներ է իրականացնում բացահայտելու համար անձանց, որոնք անհասկանալի նյութ են լցրել «Եռաբլուր» զինվորական պանթեոնի հերոսների շիրմաքարերին։
Ավելի վաղ համացանցի հայկական տիրույթում սկսեց արագորեն տարածվել մի տեսանյութ, որտեղ երևում է, որ «Եռաբլուրում» թաղված Ապրիլյան քառօրյայի հերոսներից մի քանիսի գերեզմանների վրա ինչ–որ անհասկանալի հեղուկ է լցրած։ Օգտատերերը շտապել են այս երևույթը «վանդալիզմի ակտ», «բարբարոսություն», «պղծում» որակել։
![Ենթամշակույթ կրողների ձեռքի գո՞րծն է. ՊՆ-ն պարզում է «Եռաբլուրի» դեպքի մանրամասները Ենթամշակույթ կրողների ձեռքի գո՞րծն է. ՊՆ-ն պարզում է «Եռաբլուրի» դեպքի մանրամասները - Sputnik Արմենիա](https://cdn.am.sputniknews.ru/img/1988/01/19880118_0:0:1600:1067_600x0_80_0_0_2cf54f6ff8e320d6fd6f94d135970170.jpg)
«ՀՀ ՊՆ-ն միջադեպի մասին տեղեկացել է նախօրեին։ Ենթադրաբար, շիրմաքարերն աղտոտել են հալված մոմերով՝ մի քանի հոգով և միտումնավոր»,-ասաց Ալթունյանը։
Նա նշեց, որ աղտոտել էին հենց Ապրիլյան քառօրյայի հերոսների շիրմաքարերի վրա գրված անունները և դեմքերը։ «Ձեռագիրն» ամեն տեղ նույնն է։ Ալթունյանը դժվարացավ պատասխանել՝ արդյո՞ք վանդալիզմի այս ակտի մեջ կարող են խառնված լինել ենթամշակույթների ներկայացուցիչներ, սակայն վստահեցրեց, որ բոլոր շիրմաքարերը կմաքրվեն և կարգի կբերվեն, իսկ տարածքում տեսախցիկներ կտեղադրվեն, որպեսզի իրավիճակը վերահսկելն ավելի հեշտ լինի։
![Ենթամշակույթ կրողների ձեռքի գո՞րծն է. ՊՆ-ն պարզում է «Եռաբլուրի» դեպքի մանրամասները Ենթամշակույթ կրողների ձեռքի գո՞րծն է. ՊՆ-ն պարզում է «Եռաբլուրի» դեպքի մանրամասները - Sputnik Արմենիա](https://cdn.am.sputniknews.ru/img/1988/02/19880211_0:0:1600:1067_600x0_80_0_0_edf209517b1908cc044b8d88c527bf1f.jpg)