ԵՐԵՎԱՆ, 31 հուլիսի — Sputnik. Հանրապետության տարածքում այսօր` հուլիսի 31-ին և օգոստոսի 1-ին սպասվում է առանց տեղումների եղանակ։ Օգոստոսի 2-4-ն առանձին շրջաններում սպասվում է կարճատև անձրև և ամպրոպ։ Այդ մասին հայտնում են Արտակարգ իրավիճակների նախարարությունից։
Օդի ջերմաստիճանը հուլիսի 31-ին կբարձրանա 4-5 աստիճանով, օգոստոսի 2-3-ը նույնքանով կնվազի։ Միաժամանակ առաջիկա օրերին հանրապետության հովտային և նախալեռնային շրջաններում կպահպանվի բարձր կարգի հրդեհավտանգ իրավիճակը։
Քամու ուժգնությունը կդիտվի հարավ-արևմտյան՝ 3-8 մ/վ, ամպրոպի ժամանակ այն կարող է հասնել մինչև 15-20 մ/վ-ի:
Առաջիկա օրերին Հայաստանում դարձյալ +40 աստիճան կգրանցվի. մանրամասները` Սուրենյանից
Հուլիսի 31-ին, օգոստոսի 1-4-ը Երևանում սպասվում է առանց տեղումների եղանակ.երեկոյան ժամերին սպասվում է քամու ուժգնացում՝ 18-20 մ/վ։
Երևանում այսօր ցերեկային ժամերին օդի առավելագույն ջերմաստիճանը կհասնի +39, երեկոյան ժամերին`+36, գիշերը` +29 աստիճան տաքության։
