ԵՐԵՎԱՆ, 29 հուլիսի — Sputnik. «Սուրբ Աստվածամայր» ԲԿ–ից դուրս են գրվել Վրաստանում տեղի ունեցած ողբերգական վթարից տուժած երկու երեխաները։ Facebook սոցիալական ցանցում այս մասին գրել է «Սուրբ Աստվածամայր» բժշկական կենտրոնի մամուլի խոսնակ Գևորգ Դերձյանը։
«Հուլիսի 7-ին Վրաստանի Գորի քաղաքի մոտակայքում վթարի հետևանքով ծանր մարմնական վնասվածքներ ստացած և «Սուրբ Աստվածամայր» ԲԿ տեղափոխված 14-ամյա տղան ու նրա 17-ամյա քույրը դուրս գրվեցին հիվանդանոցից»,– հայտնել է նա:
Երեխաներին ուղեկցել են առողջապահության նախարարի տեղակալը, «Սուրբ Աստվածամայր» ԲԿ-ի տնօրինությունն ու բուժող բժիշկները:
Հիշեցնենք` հուլիսի 7-ին, ժամը 06։00-ի սահմանում Թբիլիսի-Սենակ-Լեսելիձե ավտոճանապարհի 100-րդ կմ-ում «Mercedes» մակնիշի ավտոմեքենան բախվել էր արգելապատնեշին և բռնկվել։ Վթարի հետևանքով 3 մարդ, որոնցից 2–ը` անչափահաս, մահացել էին, 5–ը` վնասվածքներով տեղափոխվել հիվանդանոց։ Բոլոր տուժածները տեղափոխվել էին Հայաստան։
Վթարի հետևանքով մահացել էին վարորդի մայրը, նրա 15-ամյա որդին և նրանց սանիկը` 7-ամյա մի երեխա:
14-ամյա տղան, որը Վրաստանից Հայաստան էր տեղափոխվել անգիտակից և շնչառության սարքին միացված Հայաստանում վիրահատվել էր։
Ռուսաստանում վթարի հետևանքով տուժել են ՀՀ–ից մեկնած միկրոավտոբուսի վարորդն ու 2 ուղևորները
Վթարից տուժած երեխաներից մեկը` 12-ամյա տղան հիվանդանոցից դուրս էր գրվել հուլիսի 12-ին։
«Վարորդի սխալն է». Ցոլակյանը` Վրաստանում 3 կյանք խլած սարսափելի վթարի մասին
