ԵՐԵՎԱՆ, 25 հուլիսի - Sputnik. Ուկրաինայի անվտանգության ծառայությունը Օդեսայի մարզի Իզմայիլ նավահանգստում ռուսական NEYMA լցանավ է կալանավորել։ Այն իբր օգտագործվել էր Կերչի նեղուցում ուկրաինական նավերի արգելափակման համար։ Այս մասին հայտնում է ՌԻԱ Նովոստին։
«Ուկրաինայի անվտանգության ծառայությունը, Զինվորական դատախազության հետ միասին, ուկրաինական նավերի արգելափակման համար Կերչի նեղուցում ձերբակալել է ռուսական Neyma լցանավը»,–նշվում է հաղորդագրության մեջ։
Ուկրաինական սահմանապահների տեղեկության համաձայն` հուլիսի 24–ին ՌԴ դրոշի տակ Իզմայիլի նավահանգիստ է մտել NIKA SPIRIT լցանավը, որը IМО – 8895528 համարով EQUASIS միջազգային տեղեկատվական գործակալության տվյալների համաձայն, նույնականացվել է որպես հայտնի NEYMA լցանավ:
Այս պահին ՈՒԱԾ փորձագետների, ռազմական դատախազների ու սահմանապահների խումբն ավարտել է խուզարկությունը, փաստաթղթերի, ներքին ռադիոխոսակցությունների ու նավամատյանների բռնագրավումը։
Անձնակազմի անդամները հարցաքննվել են, իրողությունը պարզելու համար փաստաթղթերը բռնագրավվել են։
Նավը որպես իրեղեն ապացույց է ճանաչվել, դրա կալանքի մասին միջնորդություն է պատրաստվում։
