ԵՐԵՎԱՆ, 23 հուլիսի - Sputnik. Պետական եկամուտների կոմիտեի քննչական վարչությունում ապահովագրական մի շարք ընկերությունների վերաբերյալ քրեական գործեր են հարուցվել:
Քրեական գործերի նախաքննության ընթացքում պարզվել է, որ ապահովագրական ընկերությունները թաքցրել են իրենց իրական շահույթները և կեղծ տվյալների միջոցով նվազեցրել ցուցանիշները։
Եվ միայն քրեական գործերի քննության ընթացքում, համալիր հարկային ստուգումներից խուսափելու համար, նշված ընկերությունները ՊԵԿ են ներկայացրել նոր` ճշտված հաշվետվություններ և վճարել շուրջ 218 միլիոն 483 հազար դրամի հավելյալ հարկեր։
ՊԵԿ–ի ստուգումների արդյունքում մոտ 63 միլիարդ դրամի խախտումներ են բացահայտվել. ՊԵԿ նախագահ
ՀՀ ՊԵԿ տեղեկատվության և հասարակայնության հետ կապերի բաժինը հայտնում է, որ քրեական գործերն այսքանով չեն ավարտվել, որոշ ապահովագրական ընկերությունների վերաբերյալ նախաքննությունը դեռ շարունակվում է:
Աննախադեպ բարձր շահութահարկ է հավաքվել, բյուջեն գերակատարվելու է. ՊԵԿ նախագահ
