ԵՐԵՎԱՆ, 22 հուլիսի – Sputnik. ՀՀ կրթության, գիտության, մշակույթի և սպորտի նախարար Արայիկ Հարությունյանը մեկնում է արձակուրդ։ Այս մասին հայտնում է նախարարության մամուլի ծառայությունը։
«Նախարարը հուլիսի 22-ից մինչև օգոստոսի 5-ը ներառյալ կգտնվի արձակուրդում»,– նշված է հաղորդագրության մեջ:
Այդ ընթացքում Արայիկ Հարությունյանին կփոխարինի ՀՀ կրթության, գիտության, մշակույթի և սպորտի նախարարի տեղակալ Արևիկ Անափիոսյանը:
Հիշեցնենք` այսօր հայտնի էր դարձել, որ ՀՀ վարչապետ Նիկոլ Փաշինյանը նույնպես արձակուրդ է վերցրել Նա կհանգստանա հուլիսի 22-ից մինչև օգոստոսի 2-ը ներառյալ։ Քանի որ օգոստոսի 3-ն ու 4-ը հանգստյան օրեր են, ապա վարչապետն աշխատանքի կվերադառնա երկուշաբթի` օգոստոսի 5-ին։
Լավ լուր` Արայիկ Հարությունյանից. բոլոր երեխաները Հայաստան են վերադառնում մեդալներով
