ԵՐԵՎԱՆ, 19 հուլիսի — Sputnik. Քիչ առաջ ողբերգական վրաերթ է տեղի ունեցել Արմավիրի մարզում։ Sputnik Արմենիայի տվյալներով` Արմավիրի Նորապատ գյուղից Սարդարապատ գյուղ տանող ճանապարհի սկզբնամասում «Նիսան» մակնիշի ավտոմեքենան վրաերթի է ենթարկել հենց Սարդարապատ գյուղում ապրող 62-ամյա մի տղամարդու։
Նա մահացել է։ 33-ամյա վարորդը, որն, ըստ դեպքի վայրում հավաքվածների, ապրում է Արմավիրի Բամբակաշատ գյուղում չի լքել վթարի վայրը։ Նա ահազանգել է շտապօգնություն ու փորձել օգնություն ցույց տալ վրաերթի ենթարկվածին։
«Նիսանի» վարորդն, իմանալով տղամարդու մահվան մասին, ներկայացել է տարածքային ոստիկանություն։ Այս պահին տեղում աշխատում են քննչական կոմիտեի ծառայողներն ու Արմավիրի ճանապարհային ոստիկանները։
