Աստղագուշակ․ ռոմանտիկ հանդիպումները ոմանց կուրախացնեն, ոմանց համար էլ գլխացավանք կդառնան

ԵՐԵՎԱՆ, 8 հուլիսի — Sputnik. Աստղերը կենդանակերպի բոլոր նշանների ներկայացուցիչներին բարեհաջող շաբաթ են խոստանում։

Խոյ

Ուժերի վերելքի, անձնական դիրքերի ամրապնդման, ուշադրությունը սեփական անձին հրավիրելու շրջան է: Շաբաթվա սկզբին կարող են խնդիրներ ծագել սեփական ծրագրերն իրականացնելիս: Հաջող պայմանագրեր, հաճելի նորություններ , ռոմանտիկ հարաբերություններ սկսելու շաբաթ է, բայց մեծամտությունը կարող է վնասել հեղինակությանը:

Ցուլ

Ստիպված կլինեք ավելի շատ ուշադրություն դարձնել տնային գործերին, կենցաղային խնդիրներին, ազգականների հետ հարցերին։ Հնարավոր են իրավաբանական խնդիրներ։Սակայն շաբաթվա վերջում հաջողություններ կգրանցեք ձեր աշխատանքում։ Խուսափեք անհարկի սկզբունքայնությունից, այդպես կձերբազատվեք ընտանեկան վեճերից:

Երկվորյակ

Հանդիպումներ կունենաք կարևոր մարդկանց հետ: Դրամական գործերը հաջող ընթացք կունենան: Գուցե բարդություններ լինեն շրջապատի հետ հարաբերություններում: Մրցակիցների կողմից խոչընդոտներ կզգաք: Ձեր անուշադրության պատճառով հնարավոր է` սառնություն զգաք մտերիմների հետ հարաբերություններում:

Խեցգետին

Նյութական վիճակը բարելավելու ձգտումը կուղեկցի ձեզ։ Խնդիրներ ի հայտ կգան ընկերների կամ կազմակերպությունների հետ գործերում։ Դատարկ խոստումներին մի խաբվեք։ Հնարավոր է` կարճատև ուղևորություններ ունենաք, որոնք կստիպեն լիարժեք հանգստանալ։ Ճանապարհատրանսպորտային վթարներից խուսափելու համար հետևեք անվտանգության կանոններին։

Ամուսնության բիբլիական առաջարկ. հայերը բարձրանում են Արարատ լեռը, թուրքերը`լռում այդ մասին

Առյուծ

Այս շաբաթ զբաղվածությունը կուղեկցի ձեզ: Մի շարք ոլորտներում սեփական դիրքի ամրապնդումը թույլ կտա քայլել երազանքի ուղղությամբ։Անսպասելի հանդիպումներն ու նոր ծանոթությունները կարող են բարենպաստ ազդեցություն ունենալ գործերի վրա: Հաջող ուղևորություններ են սպասվում: Մասնակցեք կոլեկտիվ միջոցառումների: Հնարավոր է` դրանց հաջորդի ռոմանտիկ հանդիպումը։

Կույս

Աշխատանքային գործերի հանդեպ ձեր անպատասխանատու վերաբերմունքը խնդիրներ կառաջացնի։ Ուղևորությունների ժամանակ սեփական անուշադրության պատճառով, հնարավոր է, փաստաթղթեր կորցնեք: Սակայն շաբաթվա վերջում ամեն ինչ կկարգավորվի։ Երազկոտությունն ու ռոմանտիկ տրամադրությունը կօգնեն ձեզ սիրելիի հետ հարթել անհամաձայնությունները:

Կշեռք

Բոլոր գործերում կձգտեք նորին: Ձեր ինքնավստահությունն ու շրջապատի աջակցությունը կօգնեն իրագործելու նախատեսած ծրագրերը: Ֆինանսների ճիշտ տնօրինման հետ կապված տարաձայնություններ կլինեն: Հասարակական գործերին մասնակցելու ժամանակ հնարավոր են ռոմանտիկ կապեր:

Կարիճ

Մեծ ուշադրություն սեփական անձի նկատմամբ, ուժերի վերելքի շրջան: Փորձեք ավելի ինքնավստահ լինել, երբ խոսում եք սեփական կարողություններից։ Նոր գիտելիքներ ստանալու ձգտումը կօգնի ամեն ինչ հաղթահարել։ Կարգապահության պակասը կարող է բացասական անդրադառնալ աշխատանքում: Սառնություն ազգականների հետ հարաբերություններում: Նրանք ձեզ կթերագնահատեն, սակայն պետք չէ ուշադրություն դարձնել։

Ամուսնության այսպիսի առաջարկ հաստատ չեք տեսել. տեսանյութ

Աղեղնավոր

Ինքնավստահություն, լավատեսություն, սեփական հնարավորությունների ընդլայնման ձգտում․սա այն է, ինչ պետք է ձեզ: Ստիպված կլինեք մեծ ուշադրություն դարձնել ընտանեկան գործերին, կենցաղային խնդիրներին։ Հաճույքների ու ուրախության ակտիվ փնտրտուքը նոր զգացողություններ կբերեն սիրային հարաբերություններում։ Շաբաթվա վերջում կլուծվեն ընտանեկան խնդիրները։ Հնարավոր է, որ ձեր ընտանիքը համալրվի նոր անդամով։

Այծեղջյուր

Բարդ և անկայուն շրջան է՝ փոփոխությունների ակնկալիքով ու երկընտրանքի պահերով: Հարազատների հետ հարաբերությունները կարգավորելիս ակտիվ եղեք, ամեն ինչ ձեզնից է կախված։ Հստակ ծրագրերի բացակայությունը պատճառ կհանդիսանա, որպեսզի արտասահմանյան կազմակերպությունների հետ կապված գործերը ձգձգվեն։ Արագ կողմնորոշվելու ունակությունը կհանգեցնի անսպասելի գաղափարների, որոնք կօգնեն իրագործել պլանները։ Լավ նորություններ կունենաք։

Ջրհոս

Հատուկ ուշադրություն դարձրեք շրջապատում տեղի ունեցող ամեն ինչին: Պետք չէ կախվածություն ունենալ ուրիշներից: Անսպասելի հանդիպումները, ընկերների կամ գործընկերների օգնությունը կարող են նպաստել պլանների իրագործմանը: Հնարավոր են հակասություններ ղեկավարության հետ: Փորձեք ավելի շատ ժամանակ տրամադրել ձեր ընտանիքին։ Չի բացառվում` անակնակալ նվերներ ստանաք։

Ձկներ

Գործեր և հոգսեր: Ստիպված կլինեք շատ աշխատել գործերն ավարտին հասցնելու համար: Ձեր զգացմունքայնությունը, անկատար խոստումները կարող են խանգարել աշխատանքին։ Սակայն շաբաթվա կեսին կբարձրանա հետաքրքրությունը առողջության, դիետաների, ինչպես նաև աշխատանքի նկատմամբ: Ամուր պահեք ձեր ընտանիքը։ Վերջ տվեք սիրային անլուրջ կապերին, դրանք միայն գլխացավանք են դառնալու։

Ինչքա՜ն եմ սպասել. Շանթը Քրիստինեին ամուսնության առաջարկ է արել Գառնու տաճարի մոտ